Хятад Улс хар салхины улмаас 2.1 тэрбум ам.долларын хохирол амсчээ
Далайн хүчтэй хар салхи "Лекима" өчигдөр Хятадын зүүн эрэгт хүрснээр олон зуун нислэг цуцлагдаж, сая гаруй хүнийг нүүлгэн шилжүүлжээ.Лекима нь тус улсын түүхэнд гурав дахь хүчтэй хар салхинд тооцогдож байгааг Хятадын төв телевиз мэдээлсэн байна.
Анх Филиппиний тэнгист үүссэн уг хар салхи өнгөрсөн Бямба гарагийн өглөө зүүн Хятадын Зэжянь мужид хүрэхдээ эрч нь буурч 187 км/цаг хурдтай болоод байжээ.
Хятадын цаг уурын алба Баасан гарагт нэгдүгээр түвшний аюулын дохио зарлаад байсан бол өчигдөр хоёрдугаар түвшин болгож бууруулсан байна. Гэсэн ч хар салхины хор хөнөөл өндөр байгаа ажээ.
“Лекима” хар салхины улмаас амь үрэгдсэн хүний тоо 32 болж, 16 хүн ор сураггүй алга болсон тухай тус улсын төв телевизээс мэдээлсэн байна. Эрх баригчид орон нутгийн нэг сая гаруй оршин суугчийг нүүлгэн шилжүүлжээ. Чэжян мужийн гамшгийн бүсэд нийт таван сая гаруй иргэн байгаа бөгөөд гамшгийн улмаас Хятад улс 2.1 тэрбум ам.долларын хохирол амсаад байна.
Эх сурвалж: vaaju.com