1 мин
Хятадын ‘Genghis Khan Airlines’ нислэг үйлдэж эхэллээ
Б.Саруул
2 
2 
1 
Хятадын ‘Genghis Khan Airlines’ компани Arj21-700 онгоцоор Шанхай-Өвөр Монголын чиглэлд нислэг үйлдэж эхэлсэн тухай Синьхуа агентлаг мэдээллээ. Төрийн өмчит Өвөр Монголын Аялал Жуулчлалын Хөрөнгө оруулалтын компанийн мэдлийн ‘Genghis Khan Airlines’ нь өнгөрсөн оны гуравдугаар сард нислэг үйлдэх урьдчилсан зөвшөөрлийг авсан бөгөөд 2019 оны эхээр нислэг үйлдэж эхлэх төлөвлөгөөтэй байгаа тухайгаа мэдээлж байжээ.
Одоогоор Хөх хотын Баита Интернэшнл нисэх буудлаас дотоодын бүс нутагт нислэг үйлдэх, ачаа тээврийн үйлчилгээ үзүүлж байгаа юм байна. Тус агаарын тээврийн компани одоогийн байдлаар дотооддоо үйлдвэрлэсэн анхны тийрэлтэт онгоц болох Arj21-700 онгоцноос гурвыг худалдан авч нислэг үйлдэж байгаа аж. Мөн ирэх таван жилд онгоцныхоо тоог 25 болгон нэмэгдүүлэх зорилготой байгаа талаар Синьхуа агентлагийн мэдээнд дурджээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа