Комедиан Зеленский Украины Ерөнхийлөгчийн сонгуульд үнэмлэхүй ялалт байгууллаа
Украины Ерөнхийлөгчийн сонгуульд 41 настай комедиан Володимир Зеленский ялалт байгуулсан талаар BBC агентлаг мэдээллээ. Тэрээр гурван долоо хоногийн өмнө болсон анхан шатны санал хураалтаар сонгогчдын 30 гаруй хувийн саналыг авч байсан бол хоёр дахь шатны санал хураалтаар сонгогчдын 73 хувийн саналыг авч, Порошенкогийн эсрэг үнэмлэхүй ялалт байгуулжээ. Харин 2014 оноос хойш Украины Ерөнхийлөгчөөр ажилласан Петр Порошенко 24.6 хувийн санал авсан байна.
Зеленский түүний төлөө саналаа өгсөн иргэдэд хандаж хэлсэн үгэндээ "Би та бүхний итгэлийг хэзээ ч алдахгүй... хэдийгээр миний бие албан ёсоор тангараг өргөөгүй байгаа ч Украины иргэний хувиар Зөвлөлт Холбоот Улсын бүрэлдэхүүнд багтаж байсан бүх улсуудад хандаж хэлэхэд: Биднийг хар! Боломжгүй зүйл гэж байхгүй" гэжээ.
Сонирхолтой нь, Зеленский санамсаргүй байдлаар Украины Ерөнхийлөгч болж буй багшийн тухай өгүүлдэг "Слуга Народа" нэртэй телевизийн цувралд тоглож олонд танигдаж байжээ. Мөн тэрээр энэ удаагийн сонгуульд дээрх телевизийн цувралтай ижил нэр бүхий намаас нэр дэвшиж ялалт байгуулсан аж.
Хэрэв дээрх санал хураалтын үр дүн баталгаажвал Зеленский дараагийн 5 жилд Украин улсыг удирдах юм. Ийнхүү өмнө нь ямар нэгэн улс төрий албан тушаал хашиж байгаагүй хүн Украин улсын аюулгүй байдал, батлан хамгаалах, гадаад бодлогыг тодорхойлох эрх бүхий албан тушаалыг хашихаар болж байна.
Эх сурвалж: BBC