"Maleficent 2"-ийн богино трейлер цацагдлаа
Диснейн "Нойрсож буй гоо гүнж"-ээс сэдэвлэсэн 'Maleficent' кино 2014 онд нээлтээ хийж, Бокс оффисоос 758 сая долларын орлого олж байсан билээ. Тэгвэл уг бүтээлийн хоёрдугаар анги болох 'Maleficent: Mistress of Evil' киноны албан ёсны богино трейлер цацагдлаа.
Аврора гүнж хуримаа хийж, хатан хаанаар өргөмжлөгдөх ёстой боловч түүний хадам эх болох хатан хаан Ингрит (жүжигчин Мишель Пфайффер тоглож буй) Аврора, Малефисент хоёрын дунд хагарал үүсгэхээр хичээх аж. Мөн шинэ ангид Аврора, Малефисент Моорз болон шидэт амьтдыг гадны хүчээс хамгаалах тэмцэлтэй нүүр тулна гэжээ.
Волт Дисней шинэ бүтээлээ аравдугаар сарын 18-нд нээх тов гаргаад байна.
Эх сурвалж: Ew.com