1 мин

М.Анхцэцэг ДАШТ-ээс хүрэл медаль хүртэж, улсын дээд амжилтыг гурван удаа эвдлээ

Ж.Мөнхзул 2019.09.26 1

21

Энэ өдрүүдэд Тайландын Паттаяа хотод үргэлжилж буй хүндийг өргөлтийн насанд хүрэгчдийн ДАШТ-ий 81 кг-ын жинд ОУХМ М.Анхцэцэг огцом өргөлтөөр 110 кг-ыг өргөн хүрэл медаль хүртэж, Монгол Улсын дээд амжилтыг гурван удаа шинэчилжээ. Тэр дэлхийн аваргын хошой хүрэл медальтан боллоо.

М.Анхцэцэгийн хувьд 2017 оны ДАШТ-д мөн огцом өргөлтөөр хүрэл медаль хүртэж, Монгол Улсын анхны хүндийг өргөлтийн дэлхийн аваргын медальтан болж байснаас гадна 2016 оны Залуучуудын ДАШТ болон ААШТ-д түрүүлсэн анхдагч монгол туйванч болж байсан юм. Үндсэн 69 кг-ын жинд өрсөлддөг түүний хувьд ээж болоод удаагүй байгаа бөгөөд жин өгсөж оролцож байгаа ажээ. 

Сонирхуулахад, тэрбээр 13 насандаа Олон улсын хэмжээний мастерийн болзол хангаж байсан бөгөөд тухайн цаг үеэс Монгол Улсын рекордыг 70 гаруй удаа шинэчлээд байгаа ажээ. 

Ж.Мөнхзул 2019.09.26

21