1 мин

Мари Кондо хүүхдэд зориулсан ном гаргажээ

Б.Саруул 2019.05.30 4

29

Мари Кондо “Амьдралыг өөрчлөх эмх цэгц ба түүний гайхамшигт ид шид” номоороо дэлхий дахинаа алдаршиж, Netflix хүртэл түүнтэй хамтран шоу нэвтрүүлэг хийсэн билээ. 

Тэгвэл эмх цэгцтэй амьдрах шинэ үеийн философийг дэлгэрүүлсэн Мари Кондо бяцхан уншигчдад зориулж "Kiki & Jax: The Life-Changing Magic of Friendship" номоо гаргаж буйгаа инстаграм хуудсаар дамжуулан мэдээлжээ. Номонд Кики (цуглуулагч) Жакс (ангилагч) хэмээх хоёр сайн найзын тухай өгүүлэх бөгөөд номын баатруудаар дамжуулан хүүхдэд нөхөрлөлийн үнэ цэнэ, эмх цэгцтэй амьдралын гайхамшгийг ойлгуулахаар зорьж байгаа аж. 

Тус ном арваннэгдүгээр сарын 5-аас эхлэн худалдаалагдаж эхлэх бөгөөд урьдчилсан захиалгыг хэдийн авч эхэлжээ. 

Дашрамд дурдахад, тэрээр Мико, Сацуки хэмээх 2 болон 3 настай хоёр охинтой билээ. Мари Кондо өмнө нь хэвлэлд ярилцлага өгөхдөө амьдралынх нь хамгийн үнэ цэнэтэй, эрхэм хүмүүс бол охид нь хэмээн тодорхойлж, аль болох үр бүтээлтэй ажилллаж, боломжийн хэрээр охидтойгоо цагийг хамт өнгөрүүлэхийг зорьж байна гэжээ.

Эх сурвалж: Pure Wow

Б.Саруул 2019.05.30

29