Миллениалуудын дунд трэнд болж буй хуримын хэв маяг
Үе үеийн залуус шинийг эрэлхийлж, тогтсон хэв маягийг эвдэхийг хүсэмжилдэг. Хуримын тухай ойлголт ч тэдний хувьд өөрчлөгдөн хувьсаж байна. 23-38 насны миллениал залуучуудын дунд "Elopement" буюу нууцаар гэрлэх сонирхол өсөн нэмэгдэж байгаа талаар Glamour сэтгүүл мэдээлжээ. Миллениалууд гэр бүл, найз нөхдөө урьж нүсэр хурим хийхийн оронд хаа нэг газар (далайн эрэг, өндөр уулын орой, жижиг сүм гэх мэт) хоёулахнаа ёслол үйлдэж, гэр бүл бололцохыг илүүд үзэж байгаа аж.
Уламжлалт ойлголтоор бол хос хоёрын эцэг эх тэдний гэрлэлтийг зөвшөөрөөгүй эсвэл сүйт бүсгүй нэг гэрт орохоосоо өмнө бие давхар болсон тохиолдолд нууцаар гэрлэх замыг сонгодог байж. Харин орчин цагт хуримыг дагасан санхүүгийн асуудлаас үүдэж залуус ийм сонголт хийх нь олширчээ. АНУ-д дундаж хуримын зардал 30-35 мянган доллар болдог бөгөөд жилдээ 40 мянга хүрэхгүй орлого олдог 35-аас доош насны залуучуудын хувьд энэ нь дарамт болдог байна.
Түүнчлэн энэ трэндийг дагаж Eloping Is Fun гэх мэт энэ төрлийн үйлчилгээ үзүүлдэг байгууллагын тоо ч хурдтай нэмэгдэж байгаа аж. Гэрэл зурагчин Женни МакФарлейн 2013 онд тус компанийг үүсгэн байгуулсан бөгөөд жил ирэх тусам үйлчлүүлэгчдийн тоо нэмэгдэж байгааг онцолжээ. 2017 онд л гэхэд тэд 60-70 орчим "нууц" хурим зохион байгуулсан байна. Тэрбээр "Миллениалуудын хувьд санхүүгийн асуудал хамгийн хүндрэлтэй байдаг. Магадгүй иймэрхүү цомхон хуримын хэв маяг өсөн нэмэгдэж байгаагийн гол шалтгаан нь энэ байх. Хүмүүс зүгээр л хамтын амьдралаа эхлүүлэхийг хүсдэг болохоор уламжлалт хэв маягийг дагах эсэх нь тийм ч чухал биш" хэмээн МакФарлейн ярьжээ.
Эх сурвалж: Glamour
Зочин 2019.09.05 122.201.24.194
Нүсэр хурим хийж байхаар тэр мөнгөөрөө дуртай газараа аялаад тэндээ 2лахнаа бөгжөө солилцоод жаргаж байгаад ирсэн нь дээр шүү залуусаа. Хүүхэдтэй болоод амьдрал зохиогоод 2лахнаа романтик байх үе дэндүү богинохон шүү
0 0 Хариулах
Зочин 2019.09.02 202.126.88.220
Би энгийн хуримд маш дургүй, сүүлийн үеийн хурим гэж аль аль талдаа бөөн дарамт. Тэгсэнээс энэ чинь давгүй санаа байна. 2уулахнаа байхдаа энэ маягаар хийчихвэл амар зүгээр..
1 0 Хариулах
Dulguun 2019.09.02 203.228.21.159
Millennial ghiin orond zgr zaluuchuud gd mongoloor bichij boldoggu yumuu utgiin huvid neeh zuruud bh yum bhgu bizdee
0 2 Хариулах
Whitney 2019.09.02 59.153.115.225
Hamt bh ni l chuhal shu de
0 0 Хариулах