1 мин

Монгол малчин болохыг мөрөөддөг хүүгийн тухай өгүүлэх Холливудын кино нээлтээ хийнэ

О.Анхзаяа 2019.05.19 91 10 3

4226

Үнэхээр тоглоогүй шүү. Зарим нь Холливуд үнэхээр энэ сэдвээр кино хийсэн үү хэмээн гайхаад Гүүгл ухаж байж мэдэх юм. Гэхдээ үнэхээр үнэн. Бас дээрээс нь маш алдартай жүжигчид энэ кинонд тоглосон юм.

Өөрийн багтаж ядсан авьяасаа "The Room" киногоор харуулж чадсан залуухан жүжигчин хүү Жэйкоб Трамбле.

"The Conjuring", "Bates Motel" киногоор манайхан улам их мэддэг болсон Вера Фармига.

The Equalizer, Aeonflux зэрэг киногоороо алдартай Мартон Чокаш.

Тус кино нийт 102 минут үргэлжлэх бөгөөд нээлт нь зургадугаар сарын 21-нд болох болно. Тус кинонд Монголд үнэхээр их хайртай бяцхан хүүгийн тухай өгүүлэх юм. Харин түүний эцэг эх хоорондоо маш их зөрчилтэй байсан ч хүүгийнхээ хүсэж буй зүйлийг бага ч болтугай биелүүлж өгөхийн төлөө Монгол руу хамтдаа явцгаах болно.

2016 онд анх кино наадам дээр нээлтээ хийж байсан ч албан ёсны нээлтээ хийх гэж ийнхүү 3 жил гаран хугацаа шаардсан байна. Найруулагч Жордан Робертс яагаад ийм их хугацаа шаардсаныг тайлбарлан хэлээгүй ч албан ёсны нээлтийг хүмүүс нэлээн хүлээж байгаа бололтой. Мөн Монголыг сурталчлах маш том боломж хэмээн харж байна.

Та бүхэн киноны трейлерийг эндээс үзнэ үү.   

О.Анхзаяа 2019.05.19

4226