Монголын жүдогийн шигшээ багийн ерөнхий дасгалжуулагч шинээр томилогдлоо
Саяхан болж өнгөрсөн жүдогийн ДАШТ-нд Монголын шигшээ багийн тамирчид амжилт тааруухан оролцож, Монголын жүдо бөхийн холбооны Гүйцэтгэх захирал М.Бөхбат, шигшээ багийн дасгалжуулагчдын хамт үүрэгт ажлаа өгөхөө албан ёсоор мэдэгдсэн билээ. Улмаар шигшээ багийн дасгалжуулагчдыг шинээр хэрхэн бүрдүүлэх нь олны анхаарлыг ихэд татаж эхэлсэн юм.
Тэгвэл Монголын жүдо бөхийн үндэсний шигшээ багийн ерөнхий дасгалжуулагчаар Монгол Улсын гавьяат тамирчин, гавьяат дасгалжуулагч Х. Болдбаатар томилогджээ. Тэрээр үүрэгт ажлаа өчигдөр хүлээн авсан байна.
Тэрбээр Азийн наадамд аваргалж, ДАШТ-д медалийн төлөө барилдаж явсан бөгөөд дасгалжуулагчийн албанд шилжиж, 2011 оны Парисын ДАШТ-ий дараа ажлаа өгч, өмнөд хөршид мэргэжлээрээ ажиллаж байгаад хоёр жилийн өмнө эх орондоо ирсэн юм.