2 мин

"Талын хөх чононууд" Монголын хөлбөмбөгийн шинэ түүхийг бичлээ

Ub.life 2019.06.12

Монголын хөлбөмбөгийн шигшээ баг 2022 оны ДАШТ, 2023 оны ААШТ-ий урьдчилсан шатны эрхийн төлөөх ээлжит тоглолтоо Бруней Улсын шигшээ багтай хийлээ.

Багуудын эхний тоглолтод Монголын шигшээ баг 3:2-оор хожоод байлаа. Харин дараагийн тоглолт энэ сарын 06-ны өдөр Монголд болсон бөгөөд Монгол Улсын шигшээ баг хоёр дахь хожлоо 2:0 харьцаатай авсан. Гэвч тэд дараагийн шийдвэрлэх тоглолтод оноог тэнцүүлэх, эсвэл хожих хүндхэн даалгавартай талбайд гарсан юм.

Улмаар хоёр багийн хариу тоглолт өчигдөр буюу 11-ний өдөр Брунейн талбайд болж Монгол Улсын шигшээ баг 2:0-ээр хожигдож эхлэв. Нэг гоол оруулахад л нөхцөл байдал манай талд шийдэгдэх эгзэгтэй мөчид шигшээ баг 11 метрийн торгуулийн цохилт гүйцэтгэх эрх авсан юм. Цохилтыг эхний тоглолтын гол баатар, шигшээ багийн ахлагч Н.Цэдэнбал амжилттай гүйцэтгэж 48 дахь минутад тооны харьцааг 2:1, нийлбэр дүнг 2:3 болгож багаа аварлаа.

Ийнхүү тэд ДАШТ-ийн урьдчилсан шатанд шалгарч, Азийн шилдэг 40 багийн эгнээнд багтав. Мөн энэхүү тоглолтын дараа Монгол Улсын хөлбөмбөгийн түүхэнд таван удаа дэлхийн аваргын урьдчилсан шатанд эх орныхоо төлөө тоглосон цорын ганц тоглогч Б.Гарьдмагнай зодог тайлах болсноо мэдэгджээ.