Монголын шигшээ баг ДАШТ-ий урьдчилсан шатны эхний хожлоо авлаа
Монголын шигшээ баг 2022 оны ДАШТ, 2023 оны Азийн АШТ-ий урьдчилсан шатны “F” хэсгийн эхний тоглолтоо Мьянмарын багтай хийж үндсэн цагт 1:0-ээр ялалт байгууллаа.
Тоглолтын цор ганц гоолыг Монголын шигшээ багийн тоглогч А.Дөлгөөн 17’ дахь минутад оруулсан бөгөөд гоолын дамжуулалтыг 6 дугаартай тоглогч А.Нармандах өгсөн юм.
Улмаар манай шигшээ баг Мьянмарын багийг өөрийн талбайдаа хоёр дахь удаагаа буулган авч байна. Энэхүү ялалт нь Монголын шигшээ багийн ДАШТ-ий урьдчилсан шатны II дугаар шатнаас авсан анхны гурван оноо болон түүхэн тэмдэглэгдэн үлдэж буй.
Монголын шигшээ баг дараагийн тоглолтоо есдүгээр сарын 10-ны 17:00 цагт өөрийн талбайдаа Тажикистаны шигшээ багийн эсрэг хийнэ.