2 мин

Наадмын өдрүүдэд санал болгох ОНЦЛОХ 15 үзвэр

Ub.life 2019.07.10 1

39

Тулгар Төрийн 2228, Их Монгол улсын 813, Ардын хувьсгалын 98 жилийн ой, Үндэсний их баяр наадмаар онцлох үзвэрүүдтэй танилцана уу!

1. “Морьтон Монголчууд” морин спортын үзүүлэх тоглолт 11-ний 14.50-15.20 цагт, 12-ны 07.50-08.20 цагт тус тус тоглогдоно. 

2. Хүй долоон худагт “Уяачдын наадам”, “Соёлын наадам” хамтарсан тусгай хөтөлбөр 12-ны 10.00-16.00 цагт, 13-ны 10.00-19.00 цагт  болно.

3. Улаанбаатарын үдэш “Эх орноо хамтдаа дуулъя” цэнгүүн Жанжин Д.Сүхбаатарын талбайд 11,12-ны өдрүүдэд 21.00 цагаас болно. 

4. Улсын Дуурь Бүжгийн Эрдмийн театрт 11-ний 19.00 цагт Морин хуурын чуулгын “Монголын сайхан орон” тоглолт, 13-ний 19.00 цагт "Best of classics pop opera” концерт тус тус тоглогдоно. 

5. Үндэсний урлагийн их театрын тайзнаа 11-15-ны өдрүүдэд 18.00 цагаас “Дэлхийд гайхагдсан Монгол үндэсний урлаг” тоглолт болно.

6. Түмэн эх чуулгын тайзнаа 10-15-ны өдрүүдэд 16.00, 18.00 цагуудаас “Язгуур урлагийн дээжис” тоглолт болно. 

7. Улаанбаатар чуулгын тайзнаа 11-15-ны өдрүүдэд 18.00 цагаас “Colors of Mongolia” тоглолт болно.

 8. Долоодугаар сарын 10-15-ны өдүүдэд  Монголын уран зургийн галерейд 11.00 цагаас “Монгол бахархал” гэрэл зургийн үзэсгэлэн , Монголын урчуудын эвлэлийн үзэсгэлэнгийн танхимд 10.00-18.00 цагт “Монголын сайхан орон” шилдэг бүтээлийн үзэсгэлэн тус тус тавигдана.

9. Долоодугаар сарын  10-15-ны өдрүүдэд Монголын үндэсний музей,  Богд хааны ордон музей, Чойжин ламын сүм музейд 09.00-18.00 цагт сан хөмрөгийн үзэсгэлэн дэлгэгдэнэ.

11. Долоодугаар сарын 10-15-ны өдрүүдэд 09.00-18.00 цагт Үлэг гүрвэлийн төв музей өөрийн сан хөмрөгийн үзмэрээр үйлчлэх бөгөөд дээлтэй үзэгчдэд тасалбарын хямдрал, гэр бүлээрээ ирсэн үзэгчдэд “Гэр бүлийн багц”-ын хямдрал үзүүлэх аж. Мөн Г.Занабазарын нэрэмжит Дүрслэх урлагийн музей өөрийн сан хөмрөгийн үзмэрээр үйлчилж, уран зургийн худалдаа хийнэ.

11. Уран зургийн галерейд 14-нийг хүртэл 09.00-18.00 цагт наадмын холбогдолтой гэрэл зургийн үзэсгэлэн, “Монголын сайхан орон” үзэсгэлэн тус тус тавигдана. Мөн 10-15-ны өдрүүдэд 09.00-18.00 цагт сан хөмрөгийн үзэсгэлэнгээр үйлчилнэ.

12. Улаанбаатар хотын музей 10-15-ны өдрүүдэд 09.00-18.00 цагт  өөрийн сан хөмрөгийн үзмэрээр үйлчилнэ.

13. Монгол цэргийн музей 14,15-ны өдрүүдэд 09.00-17.00 цагт өөрийн сан хөмрөгийн үзмэрээр үйлчилнэ.

14. Үндэсний соёл амралтын хүрээлэнд 11-ний өдөр 21.30 цагаас “Наадам үдэш” жуулчдад зориулсан үдшийн шоу, 18.00-03.00 цагт “Наадъя” электроник хөгжмийн шоу тус тус тоглогдоно.

15. "Corporate hotel & convention center"-т 11-ний өдөр 16.00 цагт уран зураач Г.Гантулгын “Бэр цэцэг” уран зургийн үзэсгэлэн дэлгэгдэж, 19.00 цагт “Лэжэнд” энтертаймент шоу тоглолт болно.

Бэлтгэсэн: Л.Сайнбаяр

Ub.life 2019.07.10

39