Намрын хамгийн өвөрмөц арт шоу "Синдром" тун удахгүй болох гэж байна
Урлагт хайртай хүмүүс байна уу? Мэдээж асар олон байгаа байх. Тийм бол тун удахгүй урлаг сонирхогчдод асар ихээр таалагдах нэгэн шоу болох гэж байна.
Энэ есдүгээр сарын 10-ны 19 цагаас "Синдром арт шоу" гэх тун өвөрмөц эвент болох гэж байна.
"АНИМА" Art студи Корпорейт Конвеншн центртэй хамтран дуу авианы бүтээл, модерн бүжиг, уран зургийн үзэсгэлэн, ХХ зууны модернизм урлагийн суут уран бүтээлч нарын намтар, уран бүтээлийн тухай сонирхолтой арт лекц шоуг Монголд анх удаа зохион байгуулж байна.
Урлаг судлаач М.Аминаагийн Ван Гог, Сальвадор Дали, Фрида Кало нарын намтар түүх, солиот зураачдын сод бүтээлүүдийн тухай сонирхолтой лекц, ДБЭТ-ийн Балетийн жүжигчин Б.Төгөлдөрийн Сальвадор Далигийн уран бүтээлээс сэдэвлэн бүтээсэн модерн бүжиг, Саунд артист уран бүтээлч Ц.Даваажаргалын саунд арт бүтээл, Төрийн соёрхолт, ардын зураач Ү.Ядамсүрэнгийн нэрэмжит "АНИМА" ДУДС-ийн Уран зургийн үзэсгэлэн болон PSYCHEDELICPRISM /DEMI MOORS , Leather Nation нарын DJ-н сетийг хүргэх болно.
Синдром арт шоуны талаарх дэлгэрэнгүй мэдээллийг цаг тухай бүрт нь фэйсбүүк эвентээс авна уу.