1 мин
Ном уншдаг залууст эмэгтэйчүүд илүү татагддагийг судалгаагаар нотолжээ
О.Анхзаяа
3 
1 
1 
Номын сан оролгүй удсан байна уу? Эсвэл хэзээ ч карт нээлгэж байгаагүй юм биш биз? Тийм бол залуусаа, карт нээлгэж, ном унших цаг зав өөртөө байнга гарга. eHarmony дээр гарсан судалгаагаар "Ном уншдаг" гэж өөрийгөө тодорхойлдог, ном унших дуртай эрчүүд эмэгтэйчүүдийн анхаарлыг илүү их татдаг болохыг тогтоожээ. Мөн эмэгтэйчүүд "Ном уншиж байгаа залуу" гэх түлхүүр үгээр зураг хайх тохиолдол ч их байдаг гэнэ шүү. Хэрвээ та бүхэн санаж байгаа бол саяхан метро, автобусанд ном уншиж буй гадаад залуусын зэрэг интернетээр дүүрэн явсан. Охид үнэхээр ном уншдаг, гэхдээ зүгээр ч нэг унших биш шимтэн уншиж, түүнийгээ сайхнаар ярьж чаддаг эрчүүдэд татагддаг байна.
Нэг судалгаагаар "Луун шивээстэй охин" номыг уншсан эрчүүд эмэгтэй хүнтэй ойлголцож, дотно яриа өрнүүлэхэд бусдыг бодвол 36 хувиар илүү гэдэг нь тогтоогдсон байх юм. Гэхдээ хамгийн сонирхолтой нь "Харри Поттер" номыг уншдаг эрчүүд бусдыг бодвол 56 хувиар бага харилцаа үүсгэдэг гэнэ шүү. Хачирхалтай л юм.
Иймээс та унших номоо хүртэл бодолтой сонгох хэрэгтэй болж таарах нь. Зөвхөн кино үзэх, тоглох, спортоор хичээллэх нь гол биш. Харин ч ном уншиж өөрийн оюун ухаанаа тэлэх нь танд олон давуу талыг авчирч таарах нь. Ном уншаарай, залуусаа.
Эх сурвалж: Mandatory.com
Хамгийн их уншилттай 
холбоотой мэдээ 
санал болгох 
М.Гэрэлмаа 