Хайх зүйлээ бичнэ үү

1 мин

Оны шилдгээр Лионель Месси, Меган Рапино, Юрген Клопп, Жилл Эллис нар шалгарлаа


ФИФА буюу Олон улсын хөлбөмбөгийн холбооны шилдэг, тоглогч, дасгалжуулагчийн шагналыг 1991 оноос олгож эхэлсэн бөгөөд ФИФА-гийн гишүүн орны шигшээ багийн дасгалжуулагч, шилдэг тамирчдын саналаар тодруулдаг билээ. Мөн 2001 оноос шилдэг эмэгтэй хөлбөмбөгчинг шалгаруулж эхэлсэн байна. 

Өчигдөр Олон улсын хөлбөмбөгийн холбооны энэ оны шилдгүүдийг шалгаруулах ёслол болж өнгөрсөн бөгөөд дэлхийн шилдэг эрэгтэй тоглогчоор Аргентин гаралтай, Испанийн алдарт Барселона багийн тоглогч Лионель Месси, шилдэг эмэгтэй тоглогчоор Америкийн шигшээ багийн тоглогч Меган Рапино, шилдэг эрэгтэй дасгалжуулагчаар Левирпүүл багийн дасгалжуулагч Юрген Клопп, шилдэг эмэгтэй дасгалжуулагчаар Америкийн шигшээ багийн дасгалжуулагч Жилл Эллис нар шалгарлаа. 

Сонирхуулахад, анхны шилдэг эрэгтэй хөлбөмбөгчний шагналыг 1991 онд Италийн Интер Милан багийн тоглогч Лотар Маттеус хүртэж байжээ. Харин Барселона багийн тоглогч Лионель Мессигийн хувьд тус нэр хүндтэй шагналыг гурав дахь удаагаа хүртэж байгаа бөгөөд өмнө нь 2009, 2010 онуудад тус тус хүртэж байсан юм. 

Өнгөрсөн жилийн шилдэг эрэгтэй хөлбөмбөгчнөөр Хорватын шигшээ баг, Испанийн Реал Мадрид клубийн хагас хамгаалагч Лука Модрич шалгарсан.

Харин шилдэг эмэгтэй тоглогчоор Бразилийн шигшээ баг, Америкийн Орлондо Прайд багийн тоглогч Марта, шилдэг эрэгтэй дасгалжуулагчаар Францын шигшээ багийн дасгалжуулагч Дидье Демаш нар шалгарч байв. 

холбоотой мэдээ
1
2019.10.15
Фитнесст явмаар байвч юунаас эхлэхээ мэдэхгүй байна
2
2019.10.08
Биеийн цул жин болон өөхний хувийн тухай мэдэх 5 зүйл
3
2019.10.07
FIBA 3x3: Дэлхийн гранпри тэмцээнд “Улаанбаатар ММС Энержи” буюу ази тивийн баг анх уда...
санал болгох
1
3 өдрийн өмнө
Миллениалуудын 63 хувь нь аялахын тулд ажил хийдэг
2
3 өдрийн өмнө
Судалгаа: Хүүхэд төрсөн эхний жилд хосууд 2500-аас дээш удаа маргалддаг
3
3 өдрийн өмнө
Кино үзээд 1000 долларын цалин авах боломжтой ажлын байр зарлагджээ

Энэ мэдээнд өгөх таны сэтгэгдэл?
0
0
1
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.