1 мин

Орхон аймгийн шигшээ баг үндэсний цомын тэмцээнд анх удаа аваргаллаа

Ж.Мөнхзул 2019.08.14

"Үндэсний цом 2019" хөлбөмбөгийн тэмцээний дээд шатны аваргын төлөөх тоглолт Дархан-Уул, Орхон аймгуудын хооронд болж, Орхон аймгийн баг торгуулийн цохилтоор ялалт байгууллаа.

Тоглолтын үндсэн цаг 1-1 харьцаатай тэнцээгээр өндөрлөсөн бөгөөд Орхон аймгаас А.Баянмөнх 24 дэх минутад, Дархан-Уул аймгаас О.Мөнхсайхан 40 дэх минутад гоол оруулсан юм. Улмаар торгуулийн цохилтоор тоглолтын хувь заяаг шийдвэрлэх хариуцлагатай мөчид Орхон аймгийн шигшээ баг 5:4-өөр харьцаатай хожиж, 2008 оноос хойш зохион байгуулагдаж буй "Үндэсний цом"-ын тэмцээнд анх удаа аваргаллаа.

Харин өнгөрсөн оны аварга Увс аймгийн шигшээ баг хүрэл медалийн төлөө Дорнод аймгийн багтай учраа тааран тоглож 1:0-ийн харьцаатай хожиж хүрэл медалийн болзол хангалаа. Тоглолтын цорын ганц гоолыг 85 дахь минутад Увс аймгийн шигшээ багийн хагас хамгаалагч Т.Төртогтох орууллаа.