2 мин

Оросууд Леонардо ДиКаприогоос Байгал нуурыг аврахыг хүсчээ

Б.Саруул 2019.07.23 2 1 1

64

Байгаль дэлхий, хүрээлэн буй орчныг хамгаалах үйлсэд идэвхтэй оролцдог холливудын алдарт жүжигчин Леонардо ДиКаприогийн инстаграм хуудас сүүлийн үед Байгал нуурыг аврахыг хүссэн оросуудын хүсэлтээр дүүрээд байна. 

Анх Улаан-Үд хотын тухай мэдээлэл хүргэдэг ves_ulan_ude_ нэртэй инстаграм хаяг санаачилга гаргаж, ДиКаприогоос тусламж хүсэхийг уриалжээ. Уг постод "Бүгдээрээ Байгал нуурт тулгарч буй асуудлын талаар ДиКаприод бичье... Эх орончдоо энэ хөдөлгөөнийг дэмжээрэй. Байгал нуур бол бидэнд байгаа бүх зүйл" гэжээ. Удалгүй тус хөдөлгөөнийг дэмжсэн мянга мянган хүн ДиКаприогийн инстаграм постуудын дор "Байгаль нуурыг авраач" (#спастибайкал) гэсэн сэтгэгдлийг олноороо бичиж эхэлсэн байна. 

  

 

 

 

 View this post on Instagram

 

 

 

 

 

 

 

 #Regram #RG @cnnclimate: By 2050, London will feel more like Barcelona, Seattle will feel like San Francisco, and New York will feel like Virginia Beach, according to a new climate change study conducted by the Crowther Lab at ETH Zurich university. Drawing these city-to-city comparisons can "help people visualize the impact of climate change in their own city, within their lifetime," said Jean-Francois Bastin, lead author of the study. Most European cities are expected to become 3.5 degrees Celsius (6.3 Fahrenheit) warmer in the summer and 4.7 degrees Celsius (8.5 Fahrenheit) warmer in the winter. These might not sound like significant shifts, but warming temperatures could encourage the spread of infectious disease, endanger food security, and lead to water shortages, said Alex Lo, a senior lecturer in climate change at the Victoria University of Wellington in New Zealand.

 

A post shared by  Leonardo DiCaprio (@leonardodicaprio) on Jul 20, 2019 at 4:30pm PDT

Леонардо ДиКаприо 1998 онд Leonardo DiCaprio Foundation санг үүсгэн байгуулсан бөгөөд уг сангаар дамжуулан байгаль орчныг хамгаалах үйлсэд олон сая долларын хөрөнгө зардаг нэгэн билээ. Тэрбээр цаг уурын өөрчлөлт бол өнөө үед залуучуудын өмнө тулгамдаж буй хамгийн том асуудал гэж 2016 онд BBC-д өгсөн ярилцлагадаа дурдаж байжээ. 

Мөн ДиКаприо 2012 онд өгсөн ярилцлагадаа эмээ нь орос цустай хүн байсан хэмээн дурдаж байсан бөгөөд зарим хүн "эмээгээ бодож" Байгал нуурыг хамгаалахад анхаарал хандуулаач хэмээн сэтгэгдэл бичжээ. 

Дашрамд дурдахад, Байгал нуур нь манай гарагийн хамгийн гүн, цэнгэг уст нуур бөгөөд дэлхийн гадаргын цэвэр усны 20 хувийг дангаараа бүрдүүлдэг билээ. Харин сүүлийн жилүүдэд бохирдол, хулгайн ангаас үүдэн онгон дагшин байдлаа алдаж байгаа нь оросуудын санааг ихээхэн чилээж байгаа аж. 

Эх сурвалж: BBC 

Б.Саруул 2019.07.23

64