ОУ-ын их мастер Э.Лхагвадулам Оросын ард түмнийг гайхшруулжээ
Уржигдар буюу энэ сарын 10-нд Оросын "Россия 1" телевизийн "Удивительные Люди" буюу "Гайхамшигт хүмүүс" нэвтрүүлэгт "Ажнай" корпораци, Монголын Оюун Ухааны Академийн тамирчин, Өсвөрийн дэлхийн аварга, дэлхийн 10 дээд амжилтыг эзэмшигч, ОУ-ын Их Мастер Э.Лхагвадулам оролцож, даалгавраа 100 хувь гүйцэтгэн Оросын ард түмнийг гайхшруулжээ.
Тус нэвтрүүлэг ирэх есдүгээр сард цацагдах бөгөөд гэрээний дагуу дэлгэрэнгүй мэдээлэл оруулах боломжгүй байгаа аж. Мөн тус нэвтрүүлэгт Монголын оюун ухааны академийн захирал Х.Хатанбаатар, охин Х.Ивээлийн хамт оролцож даалгавруудаа амжилттай биелүүлж чадсан байна.
Сонирхуулахад өнгөрсөн оны наймдугаар сард Ой тогтоолтын дэлхийн аварга, олон улсын Их Мастер Н.Мөнхшүр, Н.Энхшүр нар оролцож тус нэвтрүүлэгт амжилттай оролцсон билээ.