1 мин

ОУХМ Л.Отгонбаатар Азийн аварга боллоо

Э.Намуун 2019.04.23

Арабын нэгдсэн Эмират улсын Фужирах хотноо жүдо бөхийн Ази, номхон далайн бүсийн аварга шалгаруулах тэмцээн болж байна. Ганцаарчилсан барилдаанууд өчигдөр өндөрлөж, өнөөдөр багийн барилдаан болох юм.

Ганцаарчилсан барилдааны сүүлийн өдөр хүнд жингийн буюу эрэгтэй -90кг, -100кг, +100кг жин, эмэгтэй -78кг, +78кг жингийн барилдаанууд явагдлаа. Энэ өдөр эрэгтэйчүүдийн -100кг жинг тэргүүлэн барилдсан ОУХМ Л.Отгонбаатар урамтай сайхан барилдаж, Азийн аварга боллоо. Тэрбээр жингээ тэргүүлэн барилдсан тул эхний тойрогт гоц мөргөж, хоёрдугаар тойрогт Кувейтын жүдоч А.Алшаммариг цэвэр ялсан юм. Хэсгийн аваргын төлөө Казахстаны А.Серикбаевыг цэвэр ялж, хагас шигшээд Т.Такаяваг мөн л цэвэр ялж аваргын алтан медалийн төлөө барилдах эрхтэй болсон.

Алтан медалийн төлөө БНСУ-ын Ж.Вонтой барилдан даралтад оруулж, цэвэр ялалт байгууллаа.