1 мин
Оюутнууд тэнгисийн хуванцар хаягдлыг ус болгон хувиргадаг нянг зохион бүтээжээ
Ж.Мөнхзул
3 
2 
Далайн бохирдол нь дэлхий дээрх томоохон асуудлуудын нэг юм. Сүүлийн үеийн судалгаагаар 2050 он гэхэд далайгаас загас болон бусад амьтдаас илүүтэйгээр хуванцар хаягдал олдох магадлал өндөр бөгөөд олон эрдэмтэд энэхүү асуудлыг шийдэх гарцыг олохоор ажиллаж байгаа аж.
Тэгвэл Харвардын их сургуулийн оюутан, 20 настай Жэнни Яо, Миранда Ванг нар далайн хуванцар хог хаягдлыг идэж ус болгон хувиргадаг нянг зохион бүтээсэн байна. Жижигхэн нянгийн ачаар хуванцарыг ус болгон хувиргах чадвартай бөгөөд наран шарлагын газрыг цэвэрлэхээс гадна хувцасны түүхий эд үйлдвэрлэх гэсэн хоёр аргаар ашиглах боломжтой ажээ. Тэд бүтээгдэхүүнийхээ патентын эрхийг гардан авсан бөгөөд бүтээгдэхүүнээ хэрэглээнд нэвтрүүлэхээр 400 мянган ам.долларын санхүүжилт авчээ.
Тэд уг нянг зохион бүтээснээр дэлхийн шинжлэх ухааны томоохон таван шагналыг хүртсэн бөгөөд Перлманы шинжлэх ухааны шагналыг хүртсэн хамгийн залуу эрдэмтэд болсон байна.
Миранда Ванг "Хүмүүс хуванцар хэрэглэхээ болино гэдэг боломжгүй зүйл. Бид уг нянгийн ачаар энэ асуудлыг хөнгөвчилнө" гэжээ.
Тэд энэхүү төслөө 24 жилийн хугацаанд хэрэгжүүлэх бөгөөд далайн усанд буй хуванцар хаягдлыг бүрэн гүйцэт ус болгохоор ажилдаа оржээ.
Эх сурвалж: Astronomy
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Сугар-Эрдэнэ
О.Анхзаяа