3 мин

Playlist: 9 сард зориулсан сүүлийн үеийн, сонирхолтой 18 дуу

О.Анхзаяа 2019.09.12 7 1

194

Есдүгээр сар үнэхээр сайхан үе биш гэж үү? Бороо, шаргал навчис, их хотын хөл хөдөлгөөн... Намар айсуй. Та бүхэнд сүүлийн үеийн болон яг одоо сонсоход тохиромжтой дуунуудыг санал болгож байна. Наймдугаар сард зориулсан плэйлистээс олон дуу сонссон биз дээ?

1. MONSUNE - OUTTA MY MIND

Сүүлийн үед гарсан сонирхолтой бүтээлүүдийн нэг. 

2. Lana Del Rey - Doin' Time

Зун дуусч байхад энэ дууг цацаад, зун хэзээ ч дуусаагүй, дуусахгүй юм шиг мэдрэмж төрүүлсэн дээ.

3. Cigarettes After Sex - Heavenly

C.A.S сонсох дуртай хүмүүсийн хувьд баяр жаргал болсон бас нэгэн үйл явдал нь энэ дуу байлаа. 

4. sad boys club - mirror and me

Ийм нэг хамтлагийг сүүлд олж мэдэв. Саяхан баасан гарагтай холбоотой өөр нэгэн шинэ дуу гаргасан ч энэ дууг нь сонирхуулмаар санагдлаа.

5. Gus Dapperton - Coax & Botany

Энэ залууд ямар их хайртай гээч. Дуунуудыг нь сонсох цаанаа л нэг сайхан байдаг. 

6. Billie Eilish - all the good girls go to hell

Сүүлийн үед дуу хөгжмийн ертөнцийг бас л шуугиулаад байгаа охин доо. Шинэхэн дуу нь саяхан гарсан байна лээ.

7. Foster The Poeple - Pick U Up

"Pumped Up Kicks" дуунаас нь болоод мэдэж авч байсан тус хамтлагийн шинэ дуу гарсан байна лээ шүү. Мэдээж хэмнэл нь... 

8. girl in red - bad idea!

Энэ их хөөрхөн, өвөрмөц хамтлаг. Та бүхэн дуунуудыг нь сонирхоод үзээрэй.

9. M83 - Temple of Sorrow

M83 шинэ дуу гаргалаа гээд ороод хартал ёстой төсөөлөөгүй зүйлтэйгээ нүүр тулсан байдаг юм. Зүгээр л бичлэгийг нь үз.

10. Green Day - Father of All

Ер нь энэ сар бас л хачин байна шүү. Green Day хамтлаг шинэ дуугаа цацаж, олон хүний анхаарлыг дахин татсан юм. Гэхдээ энэ дуу нь фенүүдэд таалагдсан уу гэж үү? Харин л дээ.

11. Brahny - Paradise

Нэг тийм күүл, амарсан мэдрэмж авахыг хүссэн хүмүүст зориулах юм уу даа.

12. V - Winter Bear

BTS хамтлагийн дуучин Ким Тэхёны дуу их хөөрхөн санагдсан шүү. Клипний өнгө аяс, бичлэгүүд нь бас тэр хэмнэл нь гээд л. Нэг л тийм зэврүүн өдөр дулаан том цамц өмсчихсөн юм шиг таатай мэдрэмж.

13. Lana Del Rey - Fuck It I Love You & The Greatest

Угаасаа Ланад дуртай болохоор гаргасан шинэ дуу болгоныг нь л оруулмаар байна.

14. TOOL - 7empest

"TOOL" хамтлагийг мэддэг хэр олон хүн байна даа! Энэ урт дуу нь ёстой л жинхэнэ эрч хүч, юм юмаар цэнэглэгч.

15. PIXIES - On Graveyard Hill

"Where is my mind..." дуугаар нь сайн мэдэх байх аа. Тийм юм чинь шинэхэн дуунууд нь ямар гэдгийг бас л сайн мэдэж байгаа байх.

16. Still Corners - French Kiss

Энэ сүүлийн үеийн дуу биш л дээ. Гэхдээ оруулмаар санагдсан юм. 

17. Thundercat - Them Changes

Бас л шинэ дуу биш. Гэхдээ хэнд хамаатай юм. Энэ угаасаа л янзтай дуу.

18. Nat King Cole - Smile

Удахгүй Жокер гарах гэж байгааг тохиолдуулаад энэ дуугаар плэйлистээ төгсгөж байна. Юу ч болж байсан инээмсэглээрэй. Энэ сарыг дуусан дуустал үзүүлээд өг.

О.Анхзаяа 2019.09.12

194