"Rise шинэ оюутны хөгжлийн хөтөлбөр 2019" арга хэмжээ болно
"ХААН банк"-ны тогтвортой хөгжлийн бодлого, нийгмийн хариуцлагыг хэрэгжүүлэгч "ХААН банк" сан 2019-2020 оны хичээлийн жилд их дээд сургуульд элсэн орж буй шинэ оюутнуудад зориулан тэдэнд өөрийгөө хөгжүүлж, сурч боловсроход нь туслах, их хотын хариуцлагатай иргэн болж төлөвшихөд хувь нэмэр оруулах зорилготой "Rise шинэ оюутны хөгжлийн хөтөлбөр"-ийг хоёр дахь жилдээ хэрэгжүүлэх гэж байна.
Уг хөтөлбөрт RISE цахим хуудсаар бүртгүүлэх боломжтой. Бүртгэл амжилттай болсон бол танд удалгүй баталгаажуулсан хариу мэйл очих бөгөөд бүртгэлийн тоо хязгаартай аж.
Тус арга хэмжээ есдүгээр сарын 15-ны 09:30 цагт "Crocus Event Hall"-д болно. Мөн хөтөлбөрийн талаарх мэдээллийг RISE шинэ оюутны хөгжлийн хөтөлбөр 2019 фэйсбүүк группээс авах боломжтой.
Хөтөлбөрт хамрагдсанаар:
- Хувь хүний хөгжил болон санхүүгийн боловсролын зохих ёсны мэдлэгтэй болох
- Өөрийгөө нээж, шинэ найз нөхөдтэй болох
- Оюутны амьдралд дадаж, амжилттай суралцах арга барил эзэмших
- Хотын соёлд суралцаж хувийн зохион байгуулалттай, биеэ даасан орчин үеийн иргэн болон төлөвших
- Олон талаар өөрийгөө хөгжүүлэх боломжтой сургалт, лекц, сайн үйлсийн арга хэмжээнд хамрагдах зэрэг олон давуу талтай юм.