Ромелу Лукаку Интер Миланд очиж магадгүй
Одоогоос жилийн өмнө Английн Эвертон клубээс Манчестер Юнайтед клубт ирсэн Ромелу Лукаку удахгүй Италийн Интер Милан багт харьяалагдаж магадгүй байна.
Тэрбээр Канго гаралтай, Бельги улсын иргэншилтэй хөлбөмбөгчин бөгөөд тус улсын шигшээ багт төвийн довтлогчийн үүрэг гүйцэтгэдэг юм. Өдгөө 26 настай Лукакугийн хувьд өнгөрсөн улирлын турш Италийн Интер Милан клубийн гол зорилго байсан боловч санхүүгийн боломж хязгаарлагдмал байсан нь түүнийг багтаа авахад хүндрэл үүссэн ажээ.
Гэсэн хэдий ч Лукакуг багтаа авах нь цаг хугацааны асуудал болоод байна. Английн "The Times" сэтгүүлд өгүүлснээр Милан клуб Лукакуд 75 сая фунтыг санал болгосон байна. Харин Манчестер Юнайтед клуб тэднээс 80 сая фунтыг шаардсан хэдий ч ойрын хугацаанд талууд зөвшилцөлд хүрэх нь гарцаагүй гэжээ.
Сонирхолтой нь, тус клубүүд Сингапурт нөхөрсөг тоглолт хийх бөгөөд Лукаку "гэмтэл"-ийн улмаас тоглолтод оролцохгүй гэдгээ мэдэгдсэн байна.
Бэлтгэсэн: Л.Сайнбаяр