Санал асуулга: Үзэгчид хааны ширээний зүй ёсны залгамжлагчийг нэрлэв
Долоон хаант улсын нийслэлд болсон тулаан болон Винтерфеллийн тулааны аль нь ч хэн хаан ширээнд суухыг хэлж өгсөнгүй. Үзэгчид дээрх томоохон тулаануудын дараа Төмөр сэнтийг эзэгнэх хүн тодорно гэж итгэж байсан ч сүүлийн ангид л энэ бүхэн шийдвэрлэгдэх нь ойлгомжтой боллоо
Гэхдээ үзэгчид нэгэнт үйл явдал өрнөхөөс өмнө өөрсдийн таамаглалыг дэвшүүлж эхлээд байна. Цувралын фэнүүд хамгийн их ханддаг Reddit-ийн GameofThrones комьюнити "Хэнийг хаан ширээнд суугаасай гэж хүсэж байна вэ" гэсэн асуулгыг 2.2 сая гишүүдийнхээ дунд явуулжээ.
Үзэгчид өөрсдийн хүсэж буй хааны ширээний зүй ёсны залгамжлагчийг дараах байдлаар нэрлэжээ. (Уг санал асуулга наймдугаар бүлэг цацагдаж эхлэхэд гарсан тул зарим нас барсан дүрүүд багтсан болно)
- Жон Снөү- 334,000 санал
- Дейенерис Таргариен - 148,000 санал
- Тирион Ланнистер - 104,000 санал
- Арья Старк - 87,500 санал
- Хэн ч биш - 83,600 санал
- Санса Старк - 61,600 санал
- Шөнийн хаан (RIP) - 46,000 санал
- Гэндри - 31,100 санал
- Жейми Ланнистер - 30,400 санал
- Сэм Тарли - 22,200 санал
- Бран Старк - 19,100 санал
- Серсей Ланнистер (RIP) - 19,000 санал
- Лианна Мормонт (RIP) - 11,900 санал
- Миссандей (RIP) - 5,400 санал
- Тион Грейжой (RIP) - 4,400 санал
- Эурон Грейжой (RIP) - 3,700 санал
Зарим үзэгчид Жон Снөү, Дейенерис Таргариен нарын аль нэг нь хаан ширээг залгамжлавал хэтэрхий энгийн, илэрхий төгсгөл болно. Тиймээс хүмүүсийн огт таамаглаж байгаагүй хэн нэгэн байх ёстой гэж ярилцаж байна. Байж болох л гаргалгаа. Гэхдээ Шөнийн хаан, Серсей Ланнистер нарыг бид ийм амархан үрэгдэнэ чинээ гэж санаагүй шүү дээ. Бүх зүйл дэндүү амархан байсан. Тиймээс цувралын төгсгөл ч тийм байхыг үгүйсгэхгүй.
Эх сурвалж: Forbes
Яг одоо #GOT Бүлэг 8-ыг LookTV-ээр үзээрэй. HBO багц идэвхжүүлэхэд Бүтэн сарын турш ердөө 4’950₮.