2 мин

Санал болгох: Өсвөр насныхан үзэхэд тохиромжтой хуучны 7 кино

Ub.life 2019.08.19 3 1

389

Хуучны гэсэн тодотголтой юм бүхэн нэг л онцгой байдаг шүү дээ. Тэгвэл танд хүмүүсийн тэр бүр үзэж байгаагүй хуучны онцгой кинонуудыг санал болгож байна. 

1. The Breakfast Club (1985)

Өөр өөрсдийн гэсэн хэв маягтай таван сурагч сургууль дээрээ бямба гарагийн хорионд оржээ. Тэд ахлах сургуулийн хэвшмэл ойлголтын тухай санал бодлоо хуваалцаж, түүнчлэн бие биенийхээ тухай илүү ихийг олж мэдэн, цагийг хөгжилтэй өнгөрүүлж буй тухай гарах болно.

2. Sixteen Candles (1984)

Тус кинонд Сэм гэх охины 16 насны төрсөн өдрөөр түүнд тохиолдсон явдлыг өгүүлнэ. Түүний гэр бүлийнхэн эгчийнх нь хуримнаас болж төрсөн өдрийг нь ор тас мартаж орхисноор үйл явдал эхэлнэ. Энэ мэдээж түүнд тохиож болох хамгийн муухай зүйлсийн нэг. Гэсэн ч түүний төрсөн өдрийн төгсгөл сайхан байх болно. 

3. Ferris Bueller's Day Off (1986)

Үргэлж ямар нэгэн шалтаг гаргаж хичээл таслахдаа чадварлаг Феррис Буэллерийн тухай тус кинонд өгүүлэх болно. Тэрбээр тун удахгүй сургуулиа төгсөх учир сүүлчийн удаа өвдсөн мэт дүр эсгэн хичээлээ тасалж, Чикаго хотын нэг өдрийн аялал өрнүүлэх боловч түүний эцэг, эх болон сургуулийнх нь захирал түүнийг худал жүжиглэсэн болохыг олж мэднэ.

4. Say Anything (1989)

Анхны хайрын тухай өгүүлсэн уг кинонд Ллойд ахлах сургуулийнхаа хамгийн үзэсгэлэнтэй охин Дианыг өөртөө татахыг хичээдэг. Түүний хичээл зүтгэл ч талаар болсонгүй Дианы өөрийн эрхгүй Ллойдод татагдан тэд болзож эхлэх боловч түүний эцэг нь энэ бүхнийг эсэргүүцнэ. Тэд хамтдаа бүхнийг давахын тулд илүү их хичээх шаардлагатай болно. 

5. Toy Soldiers (1991)

Террористууд нэгэн ахлах сургуульд нэвтрэн гэнэтийн дайралт хийж, сургуулийн хяналтыг гартаа авна. Харин тус сургуулийн үргэлж асуудал тарьж, хэрэгт орооцолдож явдаг хөвгүүд тэрхүү террористуудын эсрэг тэмцэж буй үйл явдал уг кинонд гарах болно. 

Жирийн нэгэн айлын хүү Жим болон баян чинээлэг айлын гоёмсог охин Жоси хоёрын дунд өрнөх үйл явдлыг уг кинонд харуулах болно. Жим нэгэн томоохон дэлгүүрт шөнийн ээлжийн цэвэрлэгчээр ажиллах бөгөөд уг дэлгүүрт Жоси үйллүүлэхээр орж ирэх үед санамсаргүй байдлаар тэд гаднаасаа түгжигдэнэ.

7. Just My Luck (2006)

Эшли Олбрайт бол эргэн тойрны хүмүүстээ азтай гэдгээрээ алдартай мөн ажилладаг агентлагтаа амжилттай яваа бүсгүй. Харин Жейк Хардин бол "McFly" хэмээх рок хамтлагийн менежер бөгөөд хэн хүнээс илүү азгүй нэгэн. Тэрбээр шоу бизнесмэн Дэймон Филлипстэй хамтарч ажиллахыг маш их хүсдэг боловч өөрийн азгүйгээс болж бүтэлгүйтсээр байх болно. Гэвч нэгэн өдөр Эшлигийн зохиож буй багт наадамт үдэшлэгийн үеэр хачирхалтай зүйл тохиолдох болно. 

Ub.life 2019.08.19

389