1 мин

С.Батцэцэг, Э.Бэхбаяр, Т.Тулга нар өрсөлдөгчөө илүүрхэн яллаа

Ж.Мөнхзул 2019.09.19 1

7

"Нур-Султан 2019” чөлөөт бөхийн ДАШТ-ий гурав дахь өдөр эрэгтэйчүүдийн 57, 65, эмэгтэйчүүдийн 62, 68 кг-ын жингийн урьдчилсан болон хагас шигшээ барилдаан болж байна. Манай улсаас Хөдөлмөрийн баатар С.Батцэцэг, Гавьяат тамирчин Э.Бэхбаяр, ОУХМ Т.Тулга, Э.Гантуяа нар өнөөдөр барилдана. 

Эрэгтэйчүүдийн 57 кг-ын жинд Гавьяат тамирчин Э.Бэхбаяр тэгшитгэх барилдаанд Тажикстаны бөх Мухамад Икромовтой  барилдаж 8:6-ын харьцаатай, эмэгтэйчүүдийн 68 кг-ын жинд С.Батцэцэг эхний тойрогт Узбекистаны Нилуфар Гадаеватай таарч 25 секундэд цэвэр яллаа.

Тэрбээр дараагийн тойрогт 2014 оны ДАШТ-ий хүрэл медальт, энэ жилийн Европын наадмын аварга Латвийн Анастасия Григорьеватай барилдана.

Харин эрэгтэйчүүдийн 65 кг-ын жинд ОУХМ Т.Тулга Беларусын якут бөх Ньюргун Скрябинтай эхний тойрогт барилдлаа. Түүний барилдаж буй хэсэгт дэлхийн шилдгүүдийн нэг Энэтхэгийн Бажранг Пуния, Казахстаны  Даулет Ниязбеков нар барилдаж байна.

Ж.Мөнхзул 2019.09.19

7