Сэтгэл гутралын эсрэг нөлөө үзүүлж, 60 секундийн дотор унтуулах амьсгалын дасгал эрчийг авлаа
Tumblr дээр нэгэн залуу дээр үед оруулж байсан бичлэгийг дахин нийтэлснээр сүүлийн үед маш их хандалт авч, хүмүүс ихээхэн турших болоод байгаа нь энэхүү амьсгалын дасгал юм. Та бүхэн ч бас туршаад үзээрэй. Учир нь уг амьсгалын дасгалыг санаа зовнил, сэтгэл гутралыг эмчлэх эмчилгээний үед мөн ашигладаг гэнэ шүү. Нойр тань хулжаад, нэг л болж өгөхгүй байвал энэ бичлэгийг үзээд дагаад хийгээрэй.
Уг дасгалыг "4-7-8" гэдэг. Хүмүүсийг асар ихээр тайвшруулах зорилготой. Энэ мэдээг хийх гээд туршиж үзсэн чинь бүр эвшээлгээд эхэлсэн гээч.
Та уг дасгалын үеэр хэлээ дээд үүдэн шүднийхээ ар талд наах хэрэгтэй бөгөөд тэндээсээ огт салгаж болохгүй. Яг ингэж.
Та хамраараа 4 секундийн турш гүн амьсгал авах хэрэгтэй.
Дараа нь амьсгалаа 7 секунд барина.
Харин дараа нь 8 секундийн турш амьсгалаа амаараа гаргах болно. Тэр үедээ та "вүүүүү" гэсэн чимээ гаргах ёстой юм байна шүү.
Энэ дасгалыг та хэд хэд давтан хийснээр асар их тайвшрах боломжтой байх нь. Оролдоод үзээрэй. Бас энэхүү бичлэг дээрээс та жишээ авч, дагаж хийгээрэй.