1 мин
Шөвгийн найман бөх тодорлоо
Тулгар Төрийн 2228, Их Монгол улсын 813, Ардын хувьсгалын 98 жилийн ой, Үндэсний их баяр наадмын үндэсний бөхийн барилдааны шөвгийн найман бөх тодорлоо.
Хүчит бөхийн барилдааны шөвгийн наймд Улсын аварга Ч.Санжаадамба, улсын аварга Н.Батсуурь, улсын аварга Б.Мөнхбат, улсын арслан Э.Оюунболд, улсын арслан П.Бүрэнтөгс, улсын арслан Ц.Содномдорж, улсын гарьд Б.Гончигдамба, Улсын начин Д.Анар нар шалгарч үлдлээ. Улсын начин Д.Анар зургаа давснаар харцага цолны болзол хангасан бөгөөд шинэ начингуудын хэн нь ч цолоо ахиулан барилдаж чадсангүй.
Бэлтгэсэн:Л.Сайнбаяр