1 мин

С.Мөнхчулууныг Нийслэлийн Засаг Даргаар томилохоос татгалзжээ

Хуулийн дагуу 30 хоногийн дотор Хотын даргыг батламжлах эсэхээ Ерөнхий Сайд шийдэх байсан бөгөөд өчигдөр С.Мөнхчулууныг томилох боломжгүй гэсэн албан тоот цохжээ.

Ub.life 2019.02.16 2 1

17

С.Мөнхчулууныг Нийслэлийн Засаг Дарга бөгөөд Улаанбаатар хотын захирагчаар томилох шийдвэрийг 2019 оны нэгдүгээр сарын 16-ны өдөр НИТХ-аас гаргаж, нэгдүгээр сарын 24-нд Ерөнхий Сайд У.Хүрэлсүхэд илгээсэн юм. Хуулийн дагуу 30 хоногийн дотор Хотын даргыг батламжлах эсэхээ Ерөнхий Сайд шийдэх байсан бөгөөд өчигдөр С.Мөнхчулууныг томилох боломжгүй гэсэн албан тоот цохжээ. 

Хоёр сар Засаг Даргагүй байгаа хотын хувьд одоо НИТХ дахин хуралдаж хотын даргын асуудлаар нууцаар санал хураана. Энэ санал хураалтаар ялсан нэр дэвшигч нь шууд хотын дарга болох боломжтой юм. 

МАН-ын хувьд Удирдах зөвлөлөөсөө одоогийн НИТХ-ын дарга С.Амарсайханыг дэмжиж байгаагаа илэрхийлж өмнө нь бичиг үйлдсэн ч тэрбээр "ангийнхныхаа" дэмжлэгийг авч чадаагүй. Тэгэхээр одоо дахин өрсөлдөх үү, мөн С.Мөнхчулуун дахиад нэрээ дэвшүүлэх үү гэхчлэн албан тушаалын "марафон" эргээд эхэлж, харин хотын ажил, үйлс шийдвэр гаргахгүй хүнгүй гацаанд байсаар үлдэх нь ээ. 

Ub.life 2019.02.16

17