2 мин

Соруулын хор уршиг (Цуврал №8)

О.Анхзаяа 2019.12.03

Жижигхэн боловч асар их хор уршигтай зүйл бол бидний өдөр тутам хэрэглэдэг ч анзаардаггүй “соруул” юм. Ер нь яагаад үүнийг хориглоод, хэрглээнээсээ хасах хэрэгтэй гээд байгааг та тэр болгон ойлгохгүй байсан уу? Хэрэв тийм бол Юнител Группийн “Ногоон байгаасай” хөтөлбөрөөс санаачилсан "Хаягдалгүй Амьдаръя" аяны хүрээнд бэлтгэн хүргэж буй цуврал нийтлэлийн энэхүү хэсгээс сонирхоорой. Бид Zero Waste буюу хаягдалгүй амьдралд суралцахад тань туслах сонирхолтой, өгөөжтэй нийтлэлүүдийг хүргэх болно.

Соруулыг бид өдөр туам шахуу л хэрэглэдэг. Гэхдээ бид өөрсдийн ч мэдэлгүй байгаль эх дэлхийгээ хордуулаад байгаа юм биш биз? Байгальд хамгийн хор хөнөөлтэй зүйлсийн жагсаалтад соруул багтсан байгааг анх хараад гайхаж байсан ч учир шалтгаануудыг нь сонсоод "аргагүй юм даа" гэж бодсон билээ. Та бүхэнд шалтгаануудыг нь тайлбарлаж өгье.

1. Хуванцар

Бидний өдөр тутам хэрэглэдэг соруулын дийлэнх хувь нь хуванцар. Тийм ч учраас задралд орохгүй он удаан жил болж, байгаль орчныг асар ихээр хордуулах болно.

2. Микропластик

Хуванцараас илүү аюултай зүйл юу вэ гэж үү? Микропластик. Бидний хэргэлэдэг хуванцар соруулууд гадаа хаягдаж, хог хаягдал болох үедээ хэдэн зуун мянган ширхэг микро хуванцар болон тардаг. Энэ нь хөрс, ус, байгаль дэлхийг бохирдуулаад зогсохгүй хүн амьтныг хордуулдаг. Таны ам хамар луу орж байгааг та өөрөө ч анзаарахгүй юм.

3. Цуглуулж хаяхад бэрх

Ундааны сав, баглаа боодол зэрэг зүйлс арай том хэмжээтэй учир цуглуулж, цэвэрлэж, хаяхад арай хялбар. Харин соруул өчүүхэн жижиг учир дэлхий даяар цэвэрлэгээ хийсэн ч бүрэн олж цуглуулахад бэрх юм.

4. Амьтан болон хүнд хор нөлөөтэй

Соруул хамгийн аюултай хуванцарын төрөлд багтдаг өөр нэгэн шалтгаан нь ам, ходоод руу ороход амар байдагтай холбоотой. Үхсэн амьтдын дотор эрхтнийг судалж үзэхэд соруул, микропластик гарч ирэх нь элбэг байдаг.

Тэгвэл хэрхэн шийдэж болох вэ?

I. Маш олон байгууллагууд энэ оноос эхлэн хуванцар соруулыг хориглож эхэлсэн. Энэ нь үр дүнгээ өгч хог хаягдал болон хөглөрөх соруулын хэмжээ огцом багассан юм.

II. Зарим улсад соруулыг орлох янз бүрийн сонрихолтой арга сэдсэн юм. Паста гоймонг та бүхэн мэднэ шүү дээ. Тийм гоймонг хүмүүс соруул болгон ашиглаж байна.