The Hu хамтлаг "Гэрэг" нэртэй цомог гаргана
Бид хэдхэн хоногийн өмнө 'The Hu' хамтлагийн 'Wolf Totem' дуу iTunes-т хамгийн их татагдсан 100 дууны жагсаалтад багтсан талаар мэдээлж байсан билээ. Тэгвэл тус хамтлагийн 'Wolf Totem' дуу Биллбоардын Hard Rock дууны борлуулалтын жагсаалтыг тэргүүлж, "Yuve Yuve Yu" дуу нь тус жагсаалтад долоодугаарт бичигдэж байна.
Дөрөвдүгээр сарын 11-ний байдлаар 'Wolf Totem' дууг 6000 удаа татсан бол "Yuve Yuve Yu" дуу 3000 орчим удаа татагдаад байгаа юм.
'The Hu' хамтлагийн шинэ уран бүтээлийг хүлээж буй сонсогчдод дуулгахад тус хамтлаг одоогоор Eleven Seven Records студитэй хамтран “Gereg” нэртэй анхны цомгоо гаргахаар ажиллаж байгаа аж.
Сонирхуулахад, хамтлагийн продюсер, МУГЖ Б.Дашдондог саяхан өгсөн ярилцлагадаа "Хүннү рок урсгалын гол утга учир, тоглох арга барилыг олохын тулд судалгааны ажлыг бараг долоон жилийн өмнөөс эхлүүлсэн... харин рок хамтлагийн гишүүдийг бүрдүүлэх гэж бүтэн нэг жилийн хугацааг зарцуулсан" хэмээн ярьсан юм.
Эх сурвалж: Billboard