"The HU" хамтлагийн тоглолт болоход 6 хоног үлдлээ
Дэлхийг "Хүннү Рок"-оор байлдан дагуулж буй "The Hu" хамтлагийн тоглолт тавдугаар сарын 23,24-ны өдрүүдэд 19 цагаас White Rock Center-д болох гэж байна.
Yuve Yuve Yu дуу нь юүтүб дээр одоогоор 16 сая гаруй үзэлттэй байгаа бөгөөд гадаадынхан хэдэн зуун "reaction" бичлэг хийж, манай Хүннү рок чиглэлээр уран бүтээлээ туурвиж буй залуусын өнгө төрх, дуу хөгжимд алмайрсаар байгаа билээ.
Харин "Wolf Totem" дуу нь 10 сая хандалтыг хэдийн давжээ. Олонд цацсан хоёр дуу нь л гэхэд ийм өндөр хандалттай байхад цаашдын уран бүтээлүүд нь хүмүүст яаж хүрэх нь ч тодорхой биз ээ. Тэдний шинэхэн дуунуудыг та бүхэн ч гэсэн сонсохыг хүсэж л байгаа биз дээ?
Та бүхэн White Rock Center-д болох тоглолтын тасалбарыг ticket.mn сайтаас худалдан авах боломжтой. Хоёрхон хоног тоглох учир энэ тоглолтыг бүү алдаарай.
Дэлхийг тойрсон аялан тоглолтоо эхлүүлэхийн өмнө Монгол эх орондоо тоглолтоо хийхээр шийдсэн нь үнэхээр гайхалтай биш гэж үү!
Тэдний шинэ цомог болоод аялан тоглолтын тухай бичлэгийг эндээс үзээрэй.