Ц.Цогтбаатар, О.Ууганбаатар нар Азийн аварга боллоо
АНЭУ-ын Фужирах хотноо жүдо бөхийн Ази, номхон далайн бүсийн аварга шалгаруулах тэмцэээн гурав дахь өдрөө үргэлжилж байна. Манай улсаас эрэгтэй 9, эмэгтэй 8, нийт 17 тамирчин 13 жинд барилдаж байгаа юм. Эхний хоёр өдрийн байдлаар Монгол Улсын шигээ баг 2 алт, 2 мөнгө, 3 хүрэл медаль хүртэж, нийт 7 медальтайгаар тэмцээнийг тэргүүлж байна.
Тэмцээний эхний өдөр эмэгтэйчүүдийн 52 кг-ийн жинд Л.Сосорбарам мөнгө, 57 кг-д Л.Энхрийлэн хүрэл, эрэгтэйчүүдийн 60 кг-ийн жинд Э.Ариунболд хүрэл, 66 кг-д Ё.Басхүү хүрэл медаль авлаа.
Харин хоёр дахь өдөр эмэгтэйчүүдийн -63 кг-ийн жинд Б.Ганхайч мөнгөн медаль, эрэгтэйчүүдийн -73 кг жинд Ц.Цогтбаатар БНСУ-ын жүдоч Ан Чан Римыг цэвэр ялж Азийн аварга болсон бол 81 кг-ын жинд О.Ууганбаатар Узбекстаны Ш.Болтабоевыг цагийн төгсгөлд цэвэр ялж Аваргын алтан медаль хүртэж, монгол түмнээ баярлууллаа.