Хайх зүйлээ бичнэ үү

6 мин

UB.LIFE-ийн түүхүүд: АНХНЫ ШӨНИЙН мартагдашгүй 8 дурсамж


Энэ удаагийн “UB.LIFE-ийн түүхүүд” булангаараа нас насны 8 хүний анхны шөнийнх нь тухай дурсамжийг яриуллаа. Хамгийн эмзэг, нандин дурсамжаа нээлттэй хуваалцсан 8 оролцогчдоо баярласнаа илэрхийлье. Мэдээж тэдний нэрийг* зохиосон болно.

Оролцогчид маань анхны шөнийн дурсамж, түүхээ дараах асуултын дагуу хариулсан юм.
•Та хэдэн настайдаа анхны шөнөө өнгөрүүлсэн бэ?
•Ямар сэтгэгдэл төрсөн бэ. Төсөөлж байснаас хэр байв?
•Унтаад сэрэхэд ямар санагдсанаа хуваалцана уу?
•Таны биед гарсан өөрчлөлт?
•Тухайн хүнтэйгээ одоо ч холбоотой байдаг уу? Тийм бол...
•Одоо та 2-ын сексийн харилцаа анхныхаасаа хэр өөрчлөгдсөн бэ?
•Сексийн амьдрал танд хэр чухал вэ? Яагаад?


1.Хонгорзул /40 настай, эмэгтэй/

23 настайдаа. Төсөөлж байснаас хэтэрхий бодитой, буцах боломжгүйгээрээ “нэгэнт өнгөрсөн” явдал болсон. Өглөө сэрээд “Нэгэнт өнгөрсөн” гэж бодсон. Ямар ч бие халаалтгүйгээр сунгалтын дасгал хийсэн мэт. Тухайн хүнтэйгээ одоо зүгээр л энгийн харилцаатай боловч нэг л ичгэвтэр, эмзэг, хөндүүр ч юм шиг. Сексийн амьдрал чухал. Яагаад гэвэл би зөвхөн сексийн үед л өөрийгөө байж болох хамгийн амиа хичээгчээр мэдэрч чаддаг.

2.Зориг /40 настай, эрэгтэй/

Би 12 настайдаа анхны шөнөө өнгөрүүлсэн. Тавьж үзээгүй, жаахан хүүхэд байсан болохоор онц сэтгэгдэл төрөөгүй. Биед ч өөрчлөлт гараагүй. Тэр нас барсан учраас одоо ямар ч холбоогүй. Тэр өдрөөс хойш дахиж түүнтэй секс хийгээгүй. Миний хувьд сексийн амьдрал чухал. Секс заавал шинэлэг байх ёстой, яг сүши шиг.

3.Ноно /24 настай, эмэгтэй/

Анх 18 настайдаа унтсан. Аймаар өвдсөн болохоор ийм юмнаас хүмүүс яаж таашаал авдаг байна аа гэж бодсон. Бүхэл амьдралынхаа туршид ганцхан л хүнтэй бэлгийн харьцаанд орж байгаа. Нөхөртэйгөө гэсэн үг шүү дээ. Анх нөхөртөө охин биеэ өгчихөөд намайг ингээд хаяад явчихвал яана аа гэж бодож байсан. Нандин нэг зүйлээ алдчихсан юм шиг сэтгэл нэг л хачин болж билээ. Биед гарсан өөрчлөлтөө нээх анзаарч байгаагүйм байна. Бэлгийн харьцаанд орсны дараа сандал дээр суухад сонин байдаг байсан. Одоо бид хоёрын сексийн харилцаа илүү тачаангуй, илүү нээлттэй болсон. Сексийн амьдрал чухал л даа. Гэр бүлийн харилцааны бас нэг чухал хэсэг. Гэхдээ зөвхөн хайртай хүнтэйгээ хийх нандин харилцаа гэж боддог. Зөвхөн дур төдий зүйл биш, хайр ямагт байх ёстой. One night, тохиолдлын харилцаа зэргийг үзэн яддаг, ойлгодоггүй.

4.Батаа /22 настай, эрэгтэй/

Би 2 жилийн өмнө анхны шөнөө өнгөрүүлсэн. Сайхан байсан ч төсөөлсөн шиг гоё байгаагүй. Биед ямар нэгэн өөрчлөлт гараагүй. Одоо ямар ч холбоогүй. Манай бүх найзтай секс хийснийг нь мэдээд больсон. Ер нь сексийн амьдрал чухал гэж боддог. Миний хувьд секс хийснийхээ дараа нөгөө хүнтэйгээ ярилцах дуртай.

5.Гэрэл /24 настай, эмэгтэй/

Анхны шөнө 21-тэй байхад тохиолдсон. Сайн санахгүй байгаа ч айгаагүй, сандраагүй, ямар нэгэн үлдэхүйц мэдрэмж аваагүй. Өглөө сэрэхэд жоохон өвдөж байсан. Тэр үед их турсан. Одоо тэр хүнтэй холбоотой байдаг ч уулзаагүй. Сексийн амьдрал байх ёстой зүйл гэж боддог. Зарим хос энэ талын харилцаа таарахгүйгээс болж салдаг. Сексээс хүн таашаал, мэдрэмж авч, сэтгэл санаанд хүртэл нөлөөлдөг шүү дээ. Тиймээс сексийн амьдрал чухал санагддаг.

6.Ганаа /45 настай, эрэгтэй/

Би анхны шөнөө 17-тойдоо одоогийнхоор оффист л өнгөрүүлсэн дээ. Санамсаргүй болсон. Хамаг юм урсаад, шатаад л явчихсан ш дээ. Гоё байсан. Сэрээд ахиад л хиймээр санагдсан. Эхлээд хийсний дараа бүх юм болчихсон хангалттай санагдсан чинь хэсэг унтаад сэрэхэд ахиад л хиймээр санагдсан. Анх хийсний дараа эрхтний малгай эмзэг болчихсон байсан. Плавкинд хүрч шүргэхээр эвгүй. Юу ч үзээгүй битүү байж байгаад шамрахаар их сонин л доо. Одоо тэр хүнтэйгээ ямар ч холбоогүй. Холбогдох үндэслэл байхгүй шүү дээ. Сексийн амьдрал маш чухал. Яагаад гэвэл амьдралын хамгийн гол хөшүүрэг. Амьдрал бол бэлгийн амьдралын л өрсөлдөөн. Хүн таашаалын төлөө амьдарч, түүгээрээ нөхөн үржиж, урам зориг орж, утга учиртайгаар урагш явах эрч хүчийг авдаг.

7.Нэргүй /30 настай, эмэгтэй/

Би 16 настайдаа анхны шөнөө үдсэн. Тухайн үед их л айж байсан. Төсөөлж байгаагүй болохоор мэдэхгүй л байна. Өглөө босоод том хүн болчихсон юм шиг санагдсан. Гэхдээ их уйлсан. Яагаад уйлснаа сайн ойлгоогүй ээ. Гунигтай санагдаад л уйлж байсан. Биед онц өөрчлөлт гараагүй. Одоо бид хоёрт ямар ч холбоо байхгүй. Сексийн амьдралдаа сүрхий анхаардаггүй ч анхаарах хэрэгтэй санагддаг. Хосуудын бат бэх харилцааны суурь шүү дээ.

8.Дамбийжанцан /37 настай, эрэгтэй/

Би 17-тойдоо анхны шөнөө өнгөрүүлсэн. Төсөөлж байснаас тэр чигээрээ өөр байж таарсан. Үнэндээ төсөөлөл шиг, эсвэл тэр үе хүртэл үзсэн кино, уншсан зүйлс шиг маань сайхан юм болоогүй. Хамгийн марзан нь яг хийж байх үедээ ингээд л хөдлөөд л байх юм байх даа гэж бодоод бараг уйдах маягтай байж билээ. Тэгээд бодохоор яг тухайн агшинд зөвхөн өөрийгөө чагнаж, өөртөө л анхаарч байсан болж таарлаа. Нөгөө охиныхоо таашаал авч байгаа эсэхийг огт хайхралгүй, зөвхөн өөртөө бүхнийг "зөв" хийхийг хичээж, "нэр төртэй" -гээр дуусгах талаар бодож байснаа л санаж байна. Өглөө сэрээд өөрөөрөө бахархах сэтгэл төрж байлаа. Үеийнхэн маань үнэн худал нь мэдэгдэхгүй олон зүйл ярихыг сонсож байсан ч тэр яриануудаас тэс ондоо байсан учраас нэлээд гайхаж байв. Харих замдаа тун ч маадгар, их зүйл бүтээсэн хүн шиг сэтгэл хангалуун алхаж байсан юм даг. 

Анхны шөнөө үдсэнээс хойш хоёр хоногийн дараагаас сахал ургаж, нүүрэн дээр гарсан батга арилж, хоолой бүдүүрээд, эрхтэн ч том болсон доо гэсэн хаха. За худлаа худлаа, ямар нэг анзаарагдам өөрчлөлт гараагүй. 10 жилээ төгссөн зуны амралтаараа Эрдэнэтэд амарч байхад дээрх үйл явдал тохиолдож, 2 долоо хоног үргэлжилсэн. Хотод очоод уулзах хаяг, утасны дугаараа солилцсон ч хэн хэн нь холбогдох гэж хичээгээгүй юм. Одоо бид 2-ын дунд ямар ч секс байхгүй   

Хүний амьдралтай зэрэгцээд, "сексийн амьдрал" гэж нэрлэгдээд, чихэлдэж орж ирээд байгаа учраас мэдээж маш чухал шүү дээ. Бие физиологиос гадна сэтгэл санаа, зан аашинд гээд бүхий л жижиг хэсгүүд сексээс хамаарч болно. Илүү их таашаал авахын тулд түүнд суралцаж, сайн чаддаг болох хэрэгтэй.




Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
2023.11.21
Ub.life-ийн түүхүүд | Аз жаргал авчирсан анхны хадгаламжийн түүхүүд
2
2023.07.10
Ub.life-ийн түүхүүд | Наадмын нээлтийг “чимж” буй хүүхэд залуус
3
2023.06.30
UB.LIFE-ийн түүхүүд: Эрчүүд, хөвгүүд сэтгэлийн үгээ дайсан нь
санал болгох
1
8 цагийн өмнө
Таны ордыг илэрхийлэх кинонууд: Melancholia, Suspiria, Bande à Part
2
9 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
3
13 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ

Энэ мэдээнд өгөх таны сэтгэгдэл?
3
3
3
1
0
0
3
0

Сэтгэгдэл бичих (4)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Зочин 2024.01.25 202.55.188.36

Сайн байна уу би 19 настай бэлгийн харьцаанд орж үзээгүй юмаа янхан нтр авхаар өвчин авчих болуу гэж айгаад байх юм зөвлөгөө өгөөч

0 Хариулах


Reader 2019.02.15 66.181.167.95

Ямар ч үнэ цэнэ, утга алга. бүх хэсэгт давтагдсан зүйл нь сексийн амьдрал чухал л гээд байхын. ххэ, Гоё сэтгэл хөдөлгөм, сандарсан, эсвэл гунигласан гээд мэдрэмжээ хуваалуаагүй аваад л тавьчихсан юм шиг санагдл өө....

0 Хариулах


Сарангэрэл 2019.02.15 202.62.58.62

Хүмүүс эндээс нэг зүйл ухаарч ойлгоосой доо. Нонагийн түүхээс бусад нь гунигтай санагдлаа.

0 Хариулах


borolzgon edr 2019.02.14 124.158.124.156

Ter ehnii zurag tataahnee haha, iimerhuu ym bolsii shuu

0 Хариулах