Уэсли Снейдер 35 насандаа их спортоос зодог тайллаа
"Реал Мадрид", "Интер Милан", "Аяакс" клуб, Нидерландын хөлбөмбөгийн шигшээ багийн хагас хамгаалагч асан Уэсли Снейдер 17 жилийн карьераа дуусгавар болгож, зодог тайлах болсноо мэдэгджээ.
Өдгөө 35 настай тэрбээр Нидерландын шигшээ багийн бүрэлдэхүүнд 134 тоглолтод оролцож, 31 гоол оруулж байсан. Улмаар 2010 оны дэлхийн аварга шалгаруулах тэмцээний финалд шалгарч байжээ.
Уэсли Снейдер Нидерландын Утрех хотод төрсөн. Гэвч тэр Амстердам дахь "Аяакс" залуучуудын академид хөлбөмбөгийн чиглэлээр суралцсан байна. Уэсли нь хөлбөмбөгийн гэр бүлээс гаралтай бөгөөд түүний аав нь мэргэжлийн хөлбөмбөгчин байсан бол түүний дүү Жеффри нь Нидерландын анхны лиг болох "Stormvogels Telstar" клубт, харин дүү Родни нь "DHSK" сонирхогчдын клубт тоглож байсан аж.
Тэрбээр 2002-2007 оны хооронд "Аяакс" клубийн бүрэлдэхүүнд багтаж, нийт 126 тоглолтод 43 гоол оруулсан байна. Тэр 2018 оны сүүлээр Нидерландын шигшээ багийн бүрэлдэхүүнд багтах боломжгүй болсон гэдгээ мэдэгджээ.
Эх сурвалж: BBC