Хайх зүйлээ бичнэ үү

4 мин

УИХ-ын дарга Г.Занданшатарыг БНАСАУ-д айлчлахыг урив


Монгол Улсын Их Хурлын дарга Г.Занданшатар БНАСАУ-аас Монгол Улсад суугаа Онц бөгөөд Бүрэн эрхт Элчин сайд О Сын Хо-г хүлээн авч уулзлаа.

Ноён Элчин сайд О Сын Хо БНАСАУ-ын Ардын Дээд Хурлын Тэргүүлэгчдийн дарга Ким Ен Намын мэндчилгээг УИХ-ын дарга Г.Занданшатарт уламжилж, УИХ-ын даргаар томилогдсонд нь баяр хүргэж, ажлын амжилт хүслээ.

Тэрбээр 2018 онд БНАСАУ-Монгол Улсын хооронд дипломат харилцаа тогтоосны 70 жил, БНАСАУ-ыг үндэслэн байгуулагч Ким Ир Сений Монгол Улсад айлчилсны 30 жилийг ойг өргөн дэлгэр тэмдэглэсэн (тэрбээр 1956, 1988 онд хоёр удаа айлчилжээ) гэх мэт хоёр орны харилцаа, хамтын ажиллагаанд чухал ач холбогдолтой жил болсныг тэмдэглээд, “БНАСАУ, Монгол Улсын хооронд тогтсон найрсаг харилцааг цаашид улам гүнзгийрүүлэн хөгжүүлэх нь манай улсын хувиршгүй, тууштай бодлого юм. Манай улсын Төрийн зөвлөлийн дарга Ким Жон Ун энэхүү харилцаанд ач холбогдол өгч, онцгой анхаарлаа хандуулдаг” гэлээ.

Элчин сайд О Сын Хо парламент хоорондын хамтын ажиллагааг хөгжүүлэх нь чухал болохыг онцлоод, БНАСАУ байгуулагдсаны 70 жилийн ойд (2018.09.09) УИХ дахь Монгол-БНАСАУ-ын парламентын бүлгийн дарга О.Баасанхүү тэргүүтэй төлөөлөгчид айлчилсан, энэ онд төр, засгийн түвшний төлөөлөгчдийн хэд хэдэн айлчлал болох гэж байгааг дурдаж, УИХ-ын дарга Г.Занданшатарыг БНАСАУ-д айлчлахыг урив.

            УИХ-ын дарга Г.Занданшатар баяр хүргэж, мэндчилгээ дэвшүүлсэнд нь Элчин сайд болон  Ардын Дээд Хурлын Тэргүүлэгчдийн дарга Ким Ен Намд талархал илэрхийлж, миний талархал мэндчилгээг ноён Ким Ен Намд уламжилж өгнө үү хэмээн хүсэв.

Тэрбээр хоёр орны уламжлалт, найрсаг харилцааг улам хөгжүүлэхэд парламентын зүгээс болон хувиасаа онцгой анхаарал тавих болно гэдгээ илэрхийлээд, “Миний бие УИХ-ын гишүүнээр ажиллаж байхдаа Монгол-БНАСАУ-ын парламентын бүлгийн даргын хувиар танай улсад айлчилж байсан. Дараа нь Гадаад харилцааны сайдын хувиар бас очиж, хоёр орны бүх талын найрсаг харилцааг хөгжүүлэх үйлсэд биечлэн оролцож байснаараа бахархдаг. БНАСАУ-ын Төрийн зөвлөлийн дарга Ким Чен Ирийн гарын үсэгтэй, хувийн талархлын захидлыг Ардын Дээд Хурлын Тэргүүлэгчдийн дарга Ким Ен Нам надад гардуулж байсан. Захидалд Монгол Улсын хөгжил цэцэглэлт, олон тулгуурт нээлттэй гадаад бодлогын амжилтыг онцлон дурдсан нь сайхан сэтгэгдэл төрүүлж байлаа” хэмээн дурсав.

УИХ-ын дарга Г.Занданшатар уулзалтын үеэр парламент хоорондын хамтын ажиллагааг бэхжүүлэх зорилгын хүрээнд Монгол Улсын Их Хурал, БНАСАУ-ын Ардын Дээд Хурал хамтран бүс нутгийн улс орнуудын парламентын чуулганыг Зүүн хойд Азийн бүс нутгийг цөмийн зэвсэггүй болгох, Солонгосын хойгт энх тайван тогтоох, асуудлыг эв зүйгээр, яриа хэлэлцээний аргаар шийдвэрлэх зэрэг тодорхой сэдвийн хүрээнд, “Улаанбаатарын яриа хэлэлцээ” санаачилгыг дэмжих чиглэлээр Монгол Улсын нийслэлд зохион байгуулах саналтай байна гэлээ. Энэ үйл ажиллагаанд БНСУ-тай хамтарч ажиллах боломж бийг мөн онцлов. Түүнчлэн 2018 онд Сингапурт, 2019 онд Вьетнамд болсон Дээд хэмжээний уулзалтыг ирэх онуудад Улаанбаатарт зохион байгуулах бүрэн боломжтойг тэмдэглэсэн юм.

Тэрбээр БНАСАУ-ын Төрийн зөвлөлийн дарга Ким Жон Ун ОХУ-д айлчлах урилгатай байгааг дурдаж, айлчлалын үеэр замдаа Монгол Улсад саатан морилбол Монголын төр, засаг, ард түмэн талархах болно гэв.

       Ноён Элчин сайд О Сын Хо “Таны тавьсан саналууд нь хоёр улсын найрамдалт, найрсаг харилцааг улам гүнзгийрүүлэх, Солонгосын хойгийн түгшүүртэй байдлыг намжааж, энхтайван тогтооход Монгол Улс өөрийн хувь нэмрийг оруулах гэсэн хүчин чармайлтын илэрхийлэл гэж үзэж, гүнээ талархаж байна. Саналыг төр, засгийн байгууллага, удирдлагууддаа уламжлах болно” хэмээв.

           Тэрбээр Өвөрхангай аймгийн төвд үйл ажиллагаа явуулдаг, Ким Ир Сений нэрэмжит цэцэрлэг маш сайн ажиллаж, тэнд хүмүүжих хүсэлтэй хүүхдүүд олширсноос ачааллаа дийлэхгүйд хүрч байгаа тул өргөтгөл бариулах хөрөнгийг төсөвт тусган шийдэж өгөхөд дэмжлэг үзүүлэхийг хүслээ. УИХ-ын дарга Г.Занданшатар хүсэлтийг холбогдох байгууллагад уламжилж өгөхөө амлалаа.



УИХ-ын Хэвлэл мэдээлэл, олон нийттэй харилцах хэлтэс

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
2020.03.23
БСШУС-ын яаманд АТГ-аас зөвлөмж хүргүүлэв
2
2020.03.16
УИХ-ын дарга Г.Занданшатар: Их сургуулийн эмнэлэг сургалт, судалгааны институци болох ё...
3
2020.03.05
Сургалтын зээл олгох, төлүүлэх, хөнгөлөх, чөлөөлөх, хүчингүй болгох журмын талаарх Тогт...
санал болгох
1
12 цагийн өмнө
Таны ордыг илэрхийлэх кинонууд: Melancholia, Suspiria, Bande à Part
2
13 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
3
17 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.