Хайх зүйлээ бичнэ үү

2 мин

УИХ-ын дарга М.Энхболд: Би Ерөнхийлөгчийн санаачилсан хуулийн төслийг дэмжиж байгаа

Сэтгүүлчдэд мэдээлэл өглөө.


УИХ-ын дарга М.Энхболд өнөөдөр үдээс хойш товлосон Үндэсний аюулгүй байдлын зөвлөлийн хуралдаанд орохын өмнө сэтгүүлчдэд мэдээлэл өглөө.

              Тэрбээр:

-Жагсаж байгаа иргэдийн төлөөлөл, УИХ-ын зарим гишүүд надтай уулзъя гэдэг хүсэлт тавьсан. Хүсэлтийн дагуу би уулзаж, тэдний санал бодол, шаардлагыг нь сонссон. Өмнөх буюу 2018 оны 12 дугаар сарны 27-ны өдөр болсон жагсаалаас надад ирүүлсэн 4-5 зүйл бүхий шаардлагын хариу тайлбарыг бичсэн хоёр бүтэн, нэг хагас хуудас бүхий шаардлагын хариуг танилцуулсан. Гэвч тэд шаардлагынхаа хариутай танилцахгүй, хариуг хүлээж авахгүй гэдэг зүйлийг ярьсан.

УИХ-ын даргыг огцруулах, чөлөөлөх асуудал хуулийн дагуу байх ёстой. УИХ-ын гишүүдийн тавьсан шаардлагыг Төрийн байгуулалтын байнгын хороо хуульд нийцээгүй учраас уг асуудлыг хэлэлцэж, ярилцах боломжгүй байна гэдэг дүгнэлт гаргасныг та бүхэн мэдэж байгаа байх. Саяхан Монгол Улсын Ерөнхийлөгч УИХ-ын даргыг чөлөөлөх, огцруулах асуудлаар хуульд нэмэлт, өөрчлөлт оруулах хуулийг санаачлаад явж байгаа. Төслийг УИХ-ын чуулганы хуралдааны дэгийн тухай хуулийн дагуу УИХ-аар хэлэлцүүлээд явж байна. Би энэ хуулийн төслийг дэмжиж байгаа.

-Сая таны өрөөнд яг юу болсон юм бэ?

-Орж ирсэн улсууд нэлээн бухимдалтай байсан. Би үүнийг ойлгож байгаа. Гадаа ч иргэд, олон нийт бухимдалтай байна. Иргэдийн амьдрал сайнгүй байна. Энэ тулгамдаж байгаа хүндрэл, бэрхшээлтэй эдийн засгийн нөхцөл байдлыг УИХ, Засгийн газар үйл ажиллагаагаа хэвийн тасралтгүй явуулж, түргэн шуурхай шийдэх хэрэгтэй. УИХ-аар шийдвэрлэх гээд 9 удаа хойшилсон хуулиудаа хэлэлцэж, иргэдийн бухимдлыг төрүүлж байгаа асуудлыг шийдэх ёстой. Тиймээс УИХ-ын үйл ажиллагааг хэвийн явуулахад гишүүд анхаараасай гэж хүсэж байна.

-Үндэсний аюулгүй байдлын зөвлөл дээр энэ асуудал яригдах уу?

-Ерөнхийлөгч Үндэсний аюулгүй байдлын зөвлөлийн тэргүүний хувьд хурал зарласан. Би тэр хурал руу орох гээд явж байна.

холбоотой мэдээ
1
Уржигдар
Япон улсын Гадаад хэргийн сайд Коно Таро Монгол Улсад айлчилж байна
2
4 өдрийн өмнө
Ерөнхийлөгч Х.Баттулгад Бүгд Найрамдах Киргиз улсын Ерөнхий сайд М.Д.Абылгазиев бараалхжээ
3
2019.06.13
Монгол Улсаас Бүгд Найрамдах Киргиз улсад суух Элчин сайдын яамыг нээжээ
санал болгох
1
18 цагийн өмнө
Н.Байгалмаа: Статистик мэдээллийн инфографикийг олон хүнд түгээх хэрэгтэй гэсэн санал, ...
2
19 цагийн өмнө
Бороотой өдөр уншаад л баймаар яруу сайхан 5 шүлэг
3
23 цагийн өмнө
Зөвхөн "Z" үеийнхнээс л харж болох 8 онцлог шинж

Энэ мэдээнд өгөх таны сэтгэгдэл?
0
0
1
0
0
0
0
0