2 мин

Улаанбаатарын отгон дундын оффис “Moffice” нээгдлээ

Ub.life 2019.11.19

Өнгөрсөн баасан гарагт улаанбаатарынхны тэсэн ядан хүлээж байсан нэгэн оффисын нээлт боллоо. Энэ бол Moffice Coworking space юм. Гарааны бизнес эрхлэгч залуус, шинэлэг санаа санаачлага буцлан яваа хэн бүхэнд Moffice-ийн үүд хаалга нээлттэй байх болно.

Moffice дундын оффисыг Мобиком Корпораци болон Старт Централ Ази компани хамтран бүтээжээ. Moffice-ыг сонгон үйлчлүүлж байгаа хэн бүхэн хууль эрхзүй, санхүү төлөвлөлт, маркетинг сурталчилгаа зэрэг зөвлөгөө мэдээллийг авах боломжтой.

Мобиком Корпорацийн Ерөнхий захирал Тацуяа Хамада хэлсэн үгэндээ Бид мэдээлэл технологийн чиглэлээр тэргүүлэгч компани учраас IT-ийн чиглэлээр гарааны бизнес эрхлэх залууст илүү их боломж олгох болно. Та бүхэн тест хийж үзэх virtual, host серверүүдийг ажиллуулах боломжтой юм шүү. Бид ч гэсэн шинэ үеийн залуусаас, стартапуудаас сурах зүйл их бий гэдэгт эргэлзэхгүй байна. Тиймээс харилцан бие биедээ тусалж, нэгнийгээ хөгжүүлэх зэрэг олон ашиг тус бий” гэсэн юм.

Зураг	Тайлбар

Энд та тохь тухтай байж, аль ч хэсэгт нь цагийг үр бүтээлтэй өнгөрүүлэх боломжтой. Удаан хугацаанд суугаад чилвэл авирах хана, алжаалаа тайлж, амрах хэсэг, coffee corner ч бий. Байршил нь хотын төвд учраас хаанаас ч ирсэн, хаашаа ч явсан амар байх нь гарцаагүй.

Та ямар орчинд ажиллах дуртай вэ? Уламжлалт хэлбэртэй оффисын хэсэг ч бий, чөлөөт уур амьсгалтай газар ч бий. Өдрийн турш нэгэн хэвийн, уйтгарт байдалд байхаас таныг аварч чадна шүү.

Moffice-ын интерьер нь дулаан өнгөтэй, амар амгалан төрхтэй шийдсэн болохоор ажилдаа төвлөрч, бүтэмж сайтай байхаар санагдсан. Дотроо мод суулгасан нь хахир хүйтэн өвлийг мартуулж, байгальд ойрхон байгаа мэт сэтгэгдэл төрүүлэхээр шийдэлтэй байсан нь күүл байлаа. Бас дотроо 2 давхартай хэсэгтэй байсан нь орон зайг илүү сониорхолтой болгожээ. Өндөрт ажиллах дуртай хүмүүст таатай байна гэдэгт итгэлтэй байна.