1 мин

Влог үзэх дуртай хүмүүст санал болгох "шинэ" 5 монгол влоггер

Ub.life 2019.07.23 24 12 4

823

Сүүлийн үед монголчууд "Youtube"-ийг идэвхтэй ашиглаж, влог үзэх нь ихэссээр байгаа. "The Mongolian Family", "Positive Mongolians", "DamisUna" зэрэг олон влоггер аль хэдийнэ үзэгчтэй болж, олонд танигдсан. Харин энэ удаа бид шинээр эхэлж байгаа болон хүмүүсийн тэр бүр үзэж амжаагүй 5 монгол влоггерийг танилцуулж байна.

1. Suwdaa Sherwood

Америкт амьдардаг гайхалтай гэр бүлийн бичлэгүүдийг сонирхоод үзээрэй. Соёл, төрсөн газар нь өөр  ч нэг гэр бүл болоод хэрхэн яаж амьдардаг талаар шинэлэг мөн эерэг хандлагатай бичлэг оруулдаг тул та бүхэнд таалагдана гэдэгт итгэлтэй байна.

2. Munh Zul

Тэрбээр дан ганц влог хийхээс гадна өөр сонирхолтой, хэрэгтэй мэдээллийг хүргэдэг. Өмнөд Солонгос улсын тухай, шинээр гарсан дууны утга, хэрхэн бичлэг хийж янзлах, яаж өөрийн сувгийг хөгжүүлэх тухай гэх зэргээр үзүүштэй бичлэг ихтэй залуухан "youtuber"-ын сувгаар зочлоорой. 

3. Kongolia

Хайр хүргэм нэгэн хосын сувгийг та бүхэнд санал болгож байна. Солонгос найз охинтой монгол залуугийн бичлэг танд маш сайхан мэдрэмж өгөх болно. Хамтдаа Хятад улсад сурдаг тэдний Монголд наадам үзсэн бичлэг нь маш олон хүний хайрыг татсан билээ.

4. Ochko & Ennaraka

Өсвөр үеийнхэнд зөв үлгэр дууриалал үзүүлдэг хосын бичлэгүүд нь эерэг, өнгөлөг байж чадна гэдэгт итгээрэй. Бичлэгээрээ үеийнхээ залууст шинэ бүтээлч санаа, урам зориг өгөхийг хичээдэг тэдний тухай сонирхохыг санал болгож байна.

5. Grace & Choi

Солонгос нөхөртэй монгол эмэгтэйн бичлэгийг сонирхоорой. Тэд Аран, Бурам гэх хоёр хөөрхөн охинтой. Эерэг, хөгжилтэй гэр бүлийн влог та бүхнийг уйдаахгүй гэдэгт итгэлтэй байж болно. 

Бэлтгэсэн С.Содбилгүүн

Ub.life 2019.07.23

823