1 мин
Ядарсан баавгай угаалгын өрөөнд 'дугхийсэн' байжээ
Б.Саруул
5 
1 
Өнгөрөгч ням гарагт АНУ-ын Монтана мужийн Big Sky хэмээх сууринд нэгэн хачирхалтай үйл явдал гарчээ. Тус сууринд үйл ажиллагаа явуулдаг Buck's T-4 амралтын газрын ажилчид угаалгын өрөөнд нь баавгай унтаж байсан тухай фэйсбүүк хуудсандаа мэдээлжээ.
Өлсөж, ядарсан залуухан хар баавгай цонхоор нэвтрэн орж, угаалгын өрөөнд унтсан байжээ. Үүнийг мэдсэн зочид буудлын ажилчид харьяа газрынхаа цагдаа болон зэрлэг амьтдыг хамгаалах "Montana Fish" хүрээлэнд дуудлага өгсөн байна. Хүрээлэн дуудлага өгсөн газраас нэлээд зайтай тул мэргэжлийн хүмүүсийг иртэл орон нутгийн шериф, зочид буудлын ажилчид нэлээд хэдэн цаг хүлээсэн хэмээн Вашингтон Постод ярьжээ. Мэргэжлийн хүмүүс баавгайд нойрсуулах тариа хийж, аюулгүй болгосны дараа угаалгын өрөөнөөс гаргаж, зэрлэг байгальд эргүүлэн тавьжээ.
"Амралтын газрын ойролцоо хандгай, буга зэрэг амьтад ойр ойрхон үзэгддэг боловч баавгай ирж байсан удаагүй" гэж Buck's T-4 амралтын газрын эзэн Дэвид О'Коннор ярьжээ.
Эх сурвалж: Mashable
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа
М.Сугар-Эрдэнэ