Монголын хөлөг онгоцны зангууг 741 жилийн дараа Нагасаки далайн ёроолоос гаргажээ

Монголын эзэнт гүрний хөлөг онгоцны үлдэгдэл Япон улсын Нагасаки мужаас олдсон байна. Тодруулбал 1281 онд Монголын эзэнт гүрэн Кюүшюь бүсэд хоёр дахь удаа довтолсон ч хар салхины улмаас 4400 орчим хөлөг нь сүйрсэн түүхтэй ба сүйрсэн хөлгүүдийн үлдэгдэл одоог хэр нь олдсоор л байна.

Тэгвэл саяхан боомт барих судалгааны үйл явцын үеэр 9 зангууг далайгаас гаргаж авсан ба далайн ёроолд Монголын хоёр хөлөг онгоц байгааг тогтоожээ. Тус зангуу нь мод болон чулуунаас бүтэх ба 175 сантиметр урт, 200 кг-аас арай бага жинтэй байжээ.

Зангууны модны хоёр талд бэхлэгдсэн чулуу нь өмнө олдсон есөн зангуунаас онцлог байх агаад тус олдворын тусламжтайгаар Монголын флотын арга барил, бүрэлдэхүүний талаар судлахад дөхөм болгож байгаа аж.

Зангууг Такашима арлын эргээс 150 метрийн зайд усанд хөвж, дараа нь эрэг рүү чирч далайн гүнээс краны тусламжтайгаар гаргасан ба зангууг сэргээх ажилд Мацүра хотын захиргаанаас 19 сая иен (ойролцоогоор 131,000 доллар) төсөвлөжээ.