Арванхоёрдугаар сарын 6-ны өдөр 13:00 цагаас бөхийн өргөөнөө явагдах Ардчилсан хувьсгалын 35 жил, Ардчиллын төлөөх намууд нэгдсэний 24 жилийн ойд зориулсан барилдаанд улс аймгийн цолтой 128 бөх барилдах билээ.
Энэхүү наадамд зодоглохоор дархан аварга Н.Батсуурь, арслан Б.Орхонбаяр, Ц.Бямба-Отгон, Р.Пүрэвдагва, заан Б.Бат-Өлзий, М.Лхагвагэрэл, Д.Хүдэрбулга, харцага Т.Баасанхүү, Л.Лха-Очир, Г.Бадрах нарын тэргүүтэй бөхчүүд бүртгүүлжээ.
Н.Батсуурийн тухайд, дархан аварга цолтойгоор анхны барилдаандаа зодоглохоор зэхэж байгаа нь энэ.
Эл барилдаанд улсын цолтой 25 бөх барилдах юм. Наадмын түрүү бөх 10 сая төгрөгийн бай гардана.
