1 мин

"Arcane" Netflix-ийн хамгийн өндөр үнэлгээтэй, хамгийн их хүн үзсэн цуврал болжээ

О.Анхзаяа 2021.11.29 5 1

"League of Legends" тоглоомоос сэдэвлэн бүтээсэн тус цуврал анимэйшн гарсан цагаасаа хойш маш олон хүний анхаарлыг татаж, өнгөрсөн долоо хоногт "Stranger Things", "The Mandalorian" цувралуудын амжилтыг эвдэн, АНУ-д хамгийн олон хүн үзсэн цуврал боллоо. 

Мөн Netflix-ийн хамгийн өндөр үнэлгээ авсан "original" цуврал болсон байна.

2009 оноос хойш олон тоглогчтой болсон "LoL" тоглоомыг сонирхдог ч бай үгүй ч бай хүн болгонд энэ кино таалагдаж байна. 

Гол дүрийн эгч дүү хоёрын дүрүүдэд залуу шилдэг жүжгчид дуу оруулсан юм. Вай (Vi)-ийн дүрд  жүжигчин Хейли Стейнфелд, дүү нь болох Паудер (Powder)-ийн дүрд Элла Парнелл дуу оруулсан юм.

Тус анимэйшны үйл явдал Пилтовер болон Заун гэх газруудад болох бөгөөд баян, дээдсүүд болон ядуу, эгэл түмний амьдардаг газар тэнгэр шиг ялгаатай хоёр өөр газар юм.

Зураглал, үйл явдлын хувьд үнэхээр онцгой, огтхон ч уйдаахгүй тус анимэйшн нийт 9 ангитай бөгөөд үргэлжлэл болох хоёр дахь сизон гарах нь тодорхой болсон юм.

О.Анхзаяа 2021.11.29