1 мин

Омикрон хувилбар масктай, маскгүй хүмүүсийн хооронд хэр хурдан дамждаг вэ?

Б.Саруул 2022.01.12

Халдварлах чадвар өндөр омикрон хувилбараас хамгаалахын тулд илүү сайн чанарын маск зүүхийг мэргэжилтнүүд зөвлөж байна. Учир нь нэг давхаргатай, гар хийцийн даавуун эсвэл агааржуулалтын нүхтэй маск нь омикрон хувилбараас найдвартай хамгаалж чадахгүй байгаа аж.

АНУ-ын Өвчний хяналт, урьдчилан сэргийлэх төв хамгийн сүүлд гаргасан зөвлөмждөө иргэдийг олон давхаргат, нягт нэхмэл даавуугаар хийсэн, нүүрэнд ямар нэгэн засвар гаргадаггүй, хамарны хэсэгт хатуулгатай маск хэрэглэхийг санал болгожээ. Мөн нэг удаагийн мэс заслын маск зүүж, гадуураа даавуун маскаар давхарлах эсвэл N95 маск зүүх нь омикрон хувилбарын эсрэг үр дүнтэй гэжээ. Харин даавуун болон нэг удаагийн мэс заслын маск дангаараа халдвараас хамгаалж чадахгүй гэдгийг анхааруулж байна.

Түүнчлэн масктай, маскгүй хүмүүсийн хооронд халдвар хэр хурдан дамждагийг тооцоолсон байна. Хүснэгтээс үзвэл, маск зүүгээгүй халдваргүй хүн мөн л маскгүй халдвартай хүнтэй хавьтсан тохиолдолд 15 минутын дотор халдвар авах эрсдэлтэй аж. Тэгвэл халдвартай болон халдваргүй хүн хоёул N95 маск зүүсэн байвал халдвар тархахад шаардагдах хугацаа нь 25 цаг гэж үзжээ.

Эх сурвалж: АНУ-ын Төрийн аж үйлдвэрийн эрүүл ахуйн мэргэжилтнүүдийн (ACGIH) Цар тахлын эсрэг тэмцэх ажлын хэсэг