АНУ-ын уран гулгагч Нэтан Чен олимпын богино үзүүлбэрийн рекордыг эвдлээ
Өнөөдөр Бээжингийн өвлийн олимпын наадмын эрэгтэй уран гулгагчдын богино үзүүлбэрийн тэмцээн болж өндөрлөлөө. Ширүүхэн өрсөлдөөний дараа АНУ-ын тамирчин Нэтан Чен богино үзүүлбэрийн олимпын рекордыг 113.97 оноогоор эвджээ. Олимпын өмнөх рекордыг Японы уран гулгагч Юзүрү Ханю 111.82 оноотойгоор эзэмшиж байсан билээ.
Чен "Өнгөрсөн олимпын наадамд миний богино үзүүлбэр тийм ч сайн болж байгаагүй. Би хүссэн шигээ гулгаж чадахгүй байсан юм. Эцэст нь нэг хүсэж байснаараа гулгах боломж гарсан нь үнэхээр сайхан байна" хэмээн тэр ярьжээ.
Богино үзүүлбэрийн дараах байдлаар тамирчид ийн жагсжээ.
Олимпын эрэгтэй тамирчдын ганцаарчилсан чөлөөт үзүүлбэрүүд 2 сарын 10-нд шууд гарах болно. Тухайн өдөр медалийн эзэд тодрох билээ.