Хайх зүйлээ бичнэ үү

1 мин

Буриад улстай хамтарч "Байгаль нуур-Хөвсгөл нуур" маршрутын аялал жуулчлалыг хөгжүүлнэ


БОАЖ-ын сайд Б.Бат-Эрдэнэ өчигдөр ОХУ-ын Бүгд Найрамдах Буриад улсын сайд Чирипов Даба-Жалсан Шагжиевич, Буриад Улсын аялал жуулчлалын сайд А.Д. Доржиев болон албаны бусад төлөөллийг хүлээн авч уулзлаа. Монгол, Буриад хоёр улсын хамтарсан аялал жуулчлалын бүтээгдэхүүн бий болгох, ОХУ-ын дотоодын жуулчдыг төдийгүй цаашлаад Азийн бусад орнуудаас ирэх жуулчдын урсгалыг байгаль нуурын аялалаар дамжуулан Монгол улс руу татах боломжтой. Нэн ялангуяа "Байгаль нуур-Хөвсгөл нуур" маршрутыг хөгжүүлж, бодит ажил хэрэг болгох саналтай байгаагаа илэрхийлэв. Мөн Монгол улсад хийж буй албан айлчлалын бүрэлдэхүүнд тус улсын дотоодын аялал жуулчлалын 15 тур компанийн төлөөлөл манай улсын аялал жуулчлалын салбарынхантай туршлага судлах болон цаашид хамтран ажиллах чиглэлээр санал солилцохоор ирсэн ажээ. Үргэлжлүүлэн байгаль нуурын баруун эрэгт эдийн засгийн бүс байгуулж, түүгээр дамжуулан гадны бусад улс орнуудаас томоохон хөрөнгө оруулалт татах, дотоодын аялал жуулчлалаа тэлэх, эдийн засгаа солонгоруулах чиглэлд тус улсын аялал жуулчлалын бодлого төвлөрч байгаа тухай дурдсан юм.

Уулзалтын төгсгөлд БОАЖ-ын сайд Б.Бат-Эрдэнэ “Манай улсын эдийн засаг уул уурхайн салбараас 100 хувь хараат байдлаар өнөөдрийг хүрсэн. Ирэх жилүүдэд энэ байдлыг халж, ДНБ-д эзлэх аялал жуулчлалын салбарын хувь, хэмжээг нэмэгдүүлэх чиглэлд анхаарч, хичээл зүтгэл гаргаж ажиллана” хэмээн хэлэв.

Түүнчлэн Монгол, Буриад хоёр улсын төр болон хувийн хэвшлийн хамтын ажиллагааны хүрээнд хил орчмын аялал жуулчлалыг эрчимжүүлж, дотоодын аялал жуулчлалыг тэлэх, эдийн засгийн бодит сэргэлтийг дэмжих боломжийг бодит ажил болгож, хамтран ажиллахаар талууд санал нэгджээ.

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.03.09
Миягино дэвжээг хаах шийдвэр гарчээ
3
2024.03.11
“Оскар”-ын түүхэн дэх 13 эвгүй явдал
холбоотой мэдээ
1
2024.03.12
Будапештын тэмдэглэл
2
2024.02.19
Lonely Planet: 2024 онд аялах шилдэг орноор Монгол улсыг нэгдүгээрт жагсаажээ
3
2024.01.18
Аялагчдын сонголт: 2024 онд аялах шилдэг 25 газрыг нэрлэжээ
санал болгох
1
3 цагийн өмнө
Таны ордыг илэрхийлэх кинонууд: Melancholia, Suspiria, Bande à Part
2
5 цагийн өмнө
Өнөө цагийн сэтгэл татам жүжигчдийн нэг Сидней Свинигийн тухай 19 баримт
3
8 цагийн өмнө
Рөүзийг амьд үлдээсэн Титаникийн "хаалга" 718,750 доллараар зарагджээ

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.