ЭЕШ ирэх сарын 23-нд Түүхийн хичээлээр эхэлнэ
Боловсролын үнэлгээний төвөөс ЭЕШ-ыг зохион байгуулах хуваарийг зарлав. Энэ жилийн ЭЕШ-ыг зургаадугаар сарын 23-аас 26-нийг хүртэлх хугацаанд зохион байгуулахаар болжээ. Тухайлбал, зургаадугаар сарын 23-ний 10:00 цагт Түүхийн хичээлийн шалгалтыг авах бөгөөд мөн өдрийн 14:00 цагт Англи хэлний хичээлээр ЭЕШ авах юм.
Энэ онд нийт 33 мянга гаруй суралцагч ерөнхий боловсролын 12 дугаар ангийг төгсөж байна. Улсын хэмжээнд өмнөх оны төгсөгч 7160, энэ оны төгсөгч 29093 нийт 36253 шалгуулагч ЭЕШ өгөхөөр бүртгүүлжээ. Үүүнээс, математикийн шалгалтыг хамгийн олон буюу 24316 хүүхэд өгөхөөр сонгоод байгаа аж. Сонирхуулахад, англи хэлний хичээлээр 22413 хүүхэд, монгол хэлний хичээлээр 13221 хүүхэд, орос хэлний хичээлээр 1153 хүүхэд ЭЕШ-д хамрагдахаар бүртгүүлээд байна.
Шалгуулагч нь шалгалтад ирэхдээ дараах материалыг бүрдүүлж ирнэ. Үүнд, иргэний үнэмлэх болон түүнтэй дүйцэхүйц баримт бичиг, бүртгэлийн хуудас, суудлын хуваарь, бүрэн дунд боловсролын гэрчилгээ гэсэн зүйлсийг зайлшгүй биедээ байлгах шаардлагатайг БҮТ-өөс анхаарууллаа.