Амбер Херд гэрчийн мэдүүлгээрээ Жонни Деппээс болж сэтгэл зүйн эмгэгтэй болсон гэжээ
Жонни Депп экс эхнэр Амбер Хердийг 2018 онд "Washington Post" сонинд өгсөн нийтлэлдээ нэр хүндийг нь гутаан доромжилж, гүтгэсэн хэргээр шүүхэд өгөн 50 сая ам.долларыг нэхэмжилж буй. Харин Амбер Херд өөрийг нь гүтгэсэн хэргээр 100 сая ам.долларыг эсрэг талаас нэхэмжилсэн юм. Тэдний шүүх хурал энэ сарын 19-нд эцэс болох бөгөөд өчигдрөөс эхлэн Амбер Хердийн талаас гэрчийн мэдүүлэг өгч эхэлжээ.
Тэр мэдүүлгээрээ Жонни Депптэй анх уулзсан сэтгэл хөдөлгөм мөчийнхөө тухай дэлгэж "нисэх мэт" дурласан гээд уулзаж эхэлсэн эхний хэдэн сар зүүд мэт аз жаргалтай өнгөрсөн гэжээ. Мөн Жонни Деппийг шивээсийнхээ тухай ярихад нь инээхэд өөрт нь анх гар хүрэн алгадсан, удалгүй түүнийг байнга хүчирхийлэх болж, архи согтууруулах ундаа хэтрүүлэн хэрэглэх нь нэмэгдэж, тэгэх тоолондоо цохиж, зодон, түлхэж, алгадаж, мөрдөн мөшгөж, хардаж, өөртэй нь сээтгэнэсэн нэг эмэгтэйн бугуйнаас нь чангаан дарамталсан гэжээ.
Сэтгэл судлаач Даун Хьюз тэдний харилцаанд дүн шинжилгээ хийж, Жонни Деппийг хэт их хардах эмгэгтэй, Амбер Хердийг жүжигчин Жэймс Франкотой удаа дараа хардсаныхаа улмаас бие сэтгэл зүйн хүчирхийлэл үйлддэг байсан гэжээ. Амбер Херд мөн Жонни Деппээс болж байнга айж түгших, өөртөө гутрах, биеэ хянаж чадахгүй болох сэтгэл зүйн эмгэгтэй болсон гэж мэдүүллээ.
Жонни Депп, Амбер Херд хоёрын дуулианаас ил болсон БҮХ МЭДЭЭЛЭЛ
Эх сурвалж: Independent.co.uk