1 мин

Монголын эмэгтэй хөлбөмбөгийн шүүгчдээс Ө.Батцэцэг анх удаа олон улсын тоглолт шүүлээ

У.Чинзориг 2022.05.12 1

6

Монголын эмэгтэй хөлбөмбөгийн шүүгчдээс анхлан ОУХБХ-ны болон АХБХ-ны Элит зэрэглэлтэй болсон Өнөржаргалын Батцэцэг өчигдөр анхны олон улсын томилгоондоо ажиллажээ. Тодруулбал, тэрбээр энэ сарын 9-21 хооронд Вьетнам улсад зохиогдох Далайн орнуудын наадмын эмэгтэйчүүдийн хөлбөмбөгийн тэмцээнд шүүгчээр томилогдсон юм. Түүний шүүсэн анхны олон улсын тоглолт өчигдөр явагдсан Вьетнам болон Филиппин улсын шигшээ багуудын тоглолт байв. Ө.Батцэцэг тус тоглолтыг Австрали, Тайвань, Япон улсын шүүгчидтэй хамт шүүжээ. Мөн тэрбээр тухайн тэмцээнд ажиллаж буй шүүгчдээс хамгийн залуу нь юм. Ө.Батцэцэг 21-ий өдөр тэмцээн дуустал тоглолтууд дээр шүүгчээр ажиллана.

Тэрбээр 2016 оноос МХБХ-нд шүүгчээр ажиллаж буй бөгөөд Азийн шүүгчдийн бүхий л шалгалтыг давж Монголоос АХБХ-нд данстай болсон тав дахь элит шүүгч юм. Ингэхдээ Азийн элит зэрэглэлтэй болсон анхны эмэгтэй шүүгч билээ.

У.Чинзориг 2022.05.12

6