ТРЭНД: Уйлж буй филтер, "Heartstopper" цуврал, жүржийн экспрессо
Яг одоо цахим ертөнцөд юу юу трэнд болж, залуусыг хуулируулж байна вэ?
Таныг болон найзуудыг тань хөхөрч унатал инээлгэх "уйлж буй филтер":
Инстаграм, ТикТок, Snapchat-аа нээнгүүт л гомдолтой гэгч нь уйлах хүмүүсийн дүр харагдах ч хаанаас яаж ашиглаад байгаа нь мэдэгдэхгүй байна уу? Тэгвэл энэ филтер Snapchat-ийнх тул дамжуулан ашиглаж болох юм.
Snapchat руугаа ороод “Explore” товчийг даран, “Crying” гэж хайхад л болно.
Хайр татаж, нойргүй хоноход хүргэх "Heartstopper" цуврал
Британийн энэхүү богино цуврал Netflix-тэй хүмүүсийг уярааж, догдлуулан, шөнөжин өдөржин угсран киногоо дуусгахаас аргагүйд хүргэж, Netflix-ийн хаяггүй хүмүүсийг нээтэл нь трэнд болж байна. Өсвөр насны ялгаатай байдал бүхий залуусын түүхийг үнэхээр хайрламаар, үлгэрлэмээр хөөрхнөөр дүрсэлсэн. Зөвхөн өсвөр насныхан төдийгүй ах эгч, ээж аав, гэр бүлийн гишүүд хэчнээн күүл байж болохыг харуулах болно.
Дулааны улирлын амтат ундаа - Жүржийн экспрессо
Жүржийн цэвэр шүүс, амтат экспрессог агуулах энэ ундаа өнгөрсөн зуны турш трэнд болсон бол энэ хавар зун ч амтаа алдахгүй нь ээ. Амархан бөгөөд өнгөлөг энэ ундааг гэртээ хэрхэн хийж болно гээч?
Орц:
- 2 шоп экспрессо
- 1 аяга цэвэр жүржийн шүүс
- Мөс
- Чимэглэх бол жүржийн хальс
Хийх 2 арга бий. Эхнийх нь илүү хольсон амттай.
1. Жүржийн шүүс, эспрессо, чихэр, мөс зэргийг холино. Миксер ч юм уу автомат холигч ашиглавал илүү амархан.
2. Шүүсээ сайтар сэгсэрч, мөсөөр дүүргэсэн аяганд хийгээд жүржийн хальсаараа чимэглэнэ. Ингээд л болоо!
Дараах арга нь бичлэгт дүрслэгдсэн шиг жүржийн шүүсэн дээрээ мөс хийгээд, дээрээс нь экспрессогоо зөөлөн хийнэ. Ингэвэл өнгө нь илүү ялгарч харагдах болно.